ماراپاتتاۋ ءراسىمى 2 اتالىم بويىنشا جۇزەگە استى. العاشقىسى – «ەڭ ۇزدىك ۆاين, سكەتچ, پاروديا, كليپ, انيماتسيالىق بەينە, تيك-توك» اتالىمى بولسا, ەكىنشىسى – «ەڭ جاقسى الەۋمەتتىك روليك, بەينەارت, ۆيرۋستىق روليك» اتالىمى. جاستار اراسىندا ناشاقورلىقتىڭ الدىن الۋ بويىنشا بەينەروليكتەر بايقاۋىنا 76 ءوتىنىم كەلىپ تۇسكەن. قازىلار القاسى سارالاي كەلە 11 قاتىسۋشىنى سوڭعى مارەگە وتكىزدى.
ايتا كەتەيىك, بايقاۋدىڭ ماقساتى – ناشاقورلىقتىڭ تومەندەۋىنە اسەر ەتۋ جانە سالاماتتى ءومىر سالتىنىڭ باسىمدىقتارىن قالىپتاستىرۋ.
قورىتىندىلاي كەلە, جالپى اتالىم بويىنشا ءبىرىنشى ورىنعا شەرحان ابديەۆ جانە عۇمار سۇلتانبەك لايىق دەپ تانىلدى. ەكىنشى ورىننان ءتورت بىردەي تالاپكەر كورىندى. اتاپ ايتساق, اليبي مۇقۇشەۆ, التىناي باپانوۆا, اليما احۋنوۆا, ايدار ناۋشا. ال تيىسىنشە 3-ورىنعا ارمان سەرىكباي, اليجان بايساپار جانە بەكەن الەم جايعاستى. بۇدان بولەك, نازەركە جۋكينا مەن تانشولپان نىسانبەك ارنايى جۇلدەمەن ماراپاتتالدى.
جۇلدەگەرلەردىڭ بارلىعىنا ديپلوم مەن قارجىلاي سىيلىقتار تابىستالدى.
