زاڭعا سايكەس, قىلمىستىق كودەكستىڭ جالپى بولىمىندەگى 11 باپتىڭ ىشىنەن ءولىم جازاسى جازانىڭ ءتۇرى رەتىندە, ونىڭ ىشىندە جازالاۋ, تاعايىنداۋ جانە جازانى اۋىستىرۋ جۇيەسى تۋرالى باپتاردان الىپ تاستالادى. بۇدان باسقا, ءولىم جازاسى ۇعىمى, موراتوري كەزىندەگى تالاپتار مەن ولاردى قولدانۋ تۋرالى ارنايى باپ جويىلادى.
ءولىم جازاسى قىلمىستىق كودەكستىڭ 17 بابىنىڭ سانكتسياسىنان الىنىپ تاستالادى. ءومىر بويى باس بوستاندىعىنان ايىرۋ ەڭ قاتاڭ جازا بولىپ قالا بەرەدى. قىلمىستىق كودەكستى تولىقتىرۋ ارقىلى ءولىم جازاسى ءومىر بويىنا باس بوستاندىعىنان ايىرۋمەن اۋىستىرىلعان ادامداردى شارتتى تۇردە مەرزىمىنەن بۇرىن بوساتۋعا تىيىم سالىنادى.
ەسكە سالا كەتسەك, 23 جەلتوقساندا دەپۋتاتتار قر پارلامەنتى سەناتىنىڭ پلەنارلىق وتىرىسىندا «قر كەيبىر زاڭنامالىق اكتىلەرىنە ءولىم جازاسىن جويۋ ماسەلەسى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭدى قابىلدادى.
