كوروناۆيرۋس • 29 جەلتوقسان، 2021

شقو-دا كارانتيندىك شەكتەۋلەر ۇزارتىلدى

85 رەت كورسەتىلدى

شىعىس قازاقستان وبلىسىندا كارانتيندىك شەكتەۋلەر 12 قاڭتارعا دەيىن قايتا ۇزارتىلدى، دەپ حابارلايدى Egemen.kz.

شىعىس قازاقستان وبلىسىنىڭ باس مەملەكەتتىك سانيتارلىق دارىگەرىنىڭ جاڭا قاۋلىسى جاريالاندى. قاۋلىعا سايكەس، ءوڭىر بويىنشا كارانتين 12 قاڭتارعا دەيىن ۇزارتىلدى. شەكتەۋ شارالارىنىڭ مەرزىمى وبلىس اۋماعىندا كوروناۆيرۋس ينفەكتسياسىنىڭ تارالۋى بويىنشا احۋالدىڭ وزگەرۋىنە سايكەس قايتا قارالۋى مۇمكىن.

بۇگىندە ينفەكتسيا جۇقتىرعان ناۋقاستاردى ەمدەۋگە ارنالعان ستاتسيونارلارداعى توسەك قورىنىڭ تولتىرىلۋ دەڭگەيى - 9،6%. وبلىس بويىنشا ينفەكتسيانىڭ رەپرودۋكتيۆتىك R سانى – 1،067.

وسى رەتتە، شقو سانيتارلىق-ەپيدەميولوگيالىق باقىلاۋ دەپارتامەنتى حالىقتى كارانتين تالاپتارى مەن رەسپۋبليكالىق، وبلىستىق باس مەملەكەتتىك سانيتارلىق دارىگەرلەردىڭ قاۋلىلارىندا كورسەتىلگەن شەكتەۋلەردى قاتاڭ ساقتاۋعا شاقىرادى.

سوڭعى جاڭالىقتار

ۇقساس جاڭالىقتار