«ازاماتتارعا مەديتسينالىق ۇيىمداردىڭ الداعى جاڭا جىلدىق مەرەكەلەردە قالاي جۇمىس ىستەيتىنى تۋرالى اقپارات بەرگىم كەلەدى. العاشقى مەديتسينالىق-سانيتارلىق كومەك ۇيىمدارىندا مەرەكە كۇندەرى حالىققا مەديتسينالىق كومەكتى كەزەكشى دارىگەرلەر كورسەتەتىن بولادى», دەدى تيمۋر مۇراتوۆ.
مساك ۇيىمدارىندا پاتسيەنتتەردى قابىلداۋ 1 قاڭتار مەن 4 قاڭتار جانە 7 قاڭتار ارالىعىندا ساعات 8:00-دەن 18:00-گە دەيىن جۇزەگە اسىرىلاتىنى اتاپ ءوتىلدى.
«جالپى پراكتيكا دارىگەرلەرى عانا كەزەكشىلىكتە بولادى, مەرەكەلەردە باسقا ماماندارعا جۇگىنۋ مۇمكىن بولمايدى. سونداي-اق, سۇزگى-كابينەتتەر, امبۋلاتوريالىق پاتسيەنتتەرگە ۇيگە بارۋدى جۇزەگە اسىراتىن ءموبيلدى بريگادالار ۇزدىكسىز جۇمىستى جالعاستىرادى, پتر ادىسىمەن تەستىلەۋدى وتكىزۋ توقتاتىلمايدى. سۇزگى-كابينەتتەردە كەزەكشى دارىگەرلەر كەستە بويىنشا تاڭعى 8-دەن كەشكى 8-گە دەيىن جۇمىس ىستەيتىن بولادى. امبۋلاتوريالىق ناۋقاستارعا 8:00-دەن 16:00-گە دەيىن قىزمەت كورسەتىلەتىن بولادى», دەپ ناقتىلادى تيمۋر مۇراتوۆ.
ونىڭ ايتۋىنشا, قالالىق ستاتسيونارلار ازاماتتاردى تاۋلىك بويى قابىلداۋدى جالعاستىرۋدا.
«ارينە, مەرەكەلىك دەمالىس كۇندەرىن ەسكەرە وتىرىپ, بارلىق ەلوردالىق اۋرۋحانالار رەزەرۆتىك بەيىندى پالاتالار بولە وتىرىپ, شۇعىل مەديتسينالىق كومەك كورسەتۋ ءۇشىن كۇشەيتىلگەن جۇمىس رەجيمىنە كوشەدى. ايتا كەتەيىن, جەدەل جانە كونسۋلتاتسيالىق كومەك كورسەتۋ ءۇشىن ستاتسيونارلىق كومەكتى جوعارى بىلىكتى ماماندار ۇسىناتىن بولادى. 103 قىزمەتى دە وتىنىشتەردى قابىلداۋ جانە قالا تۇرعىندارىنىڭ شاقىرۋلارىنا قىزمەت كورسەتۋ بويىنشا ءوز جۇمىسىن توقتاتپايدى», دەپ قوستى تيمۋر مۇراتوۆ.
