بجزق مالىمەتىنشە, 1 جەلتوقسانعا قاراي قازاقستاندىقتاردىڭ زەينەتاقى جيناقتارىنىڭ مولشەرى 13,4 تريلليون تەڭگەگە جەتتى. ادامدار تۇرعىن ءۇي ساتىپ الۋعا, دەنساۋلىعىن جاقسارتۋعا قاراجاتتىڭ ءبىر بولىگىن العانىنا قاراماستان, ءبىر جىل ىشىندە بۇل سوما 5 پايىزعا, 648 ميللياردقا ءوسىپ وتىر.
بيىلعى 11 ايدىڭ قورىتىندىسى بويىنشا, قازاقستاندىقتاردىڭ زەينەتاقى جارنالارى وتكەن جىلداردىڭ ۇقساس كەزەڭىمەن سالىستىرعاندا العاش رەت 1 تريلليون تەڭگەدەن اسىپ, رەكورد ورناتتى. ءبىر جىل ىشىندە جارنالار سوماسى 24 پايىزعا ارتتى, بۇل سوڭعى ءۇش جىلداعى ەڭ جوعارى كورسەتكىش.
ساراپشىلار زەينەتاقى جارنالارى بارلىق باعىت بويىنشا ءوسىپ جاتقانىن ايتادى. ماسەلەن, وسى 11 ايدا مىندەتتى زەينەتاقى جارنالارى (مزج) بويىنشا 1,1 تريلليون تەڭگە تۇسكەن ء(بىر جىلداعى ءوسىم 24 پايىز). مىندەتتى كاسىپتىك زەينەتاقى جارنالارى (مكزج) بويىنشا 50,4 ميلليارد ء(بىر جىلداعى ءوسىم - 18 پايىز) تۇسكەن. سونداي-اق, ەرىكتى زەينەتاقى جارنالارى (ەزج) كولەمىنىڭ ءبىر جىلدا بىردەن 38 پايىزعا, 660 ميلليون تەڭگەگە دەيىن ايتارلىقتاي ءوسۋى بايقالادى.
1 قاڭتار مەن 1 جەلتوقسان ارالىعىندا زەينەتاقى جارنالارىنان تۇسەتىن ينۆەستيتسيالىق تابىس 1,3 تريلليون تەڭگە بولدى, بۇل وتكەن جىلدىڭ كورسەتكىشىنەن 210 ميلليارد تەڭگەگە ارتىق. قازاقستان ۇلتتىق بانكى باسقاراتىن بجزق زەينەتاقى اكتيۆتەرى بويىنشا كىرىستىلىك جىل باسىنان بەرى 7,8 پايىز, ينفلياتسيامەن 11 پايىز بولدى.
