ءار تالىمگەردىڭ كومانداسىنان ەكى ادام جارتىلاي فينالدا ونەر كورسەتتى. ەرنار سادىرباەۆ ديما بيلاننىڭ كومانداسىندا.
ساحنادا ول «پودبەري مۋزىكۋ» ء(ماتىن اۆتورى اندرەي ۆوزنەسەنسكي, كومپوزيتور رايموند پاۋلس) كومپوزيتسياسىن ورىندادى.
شاكىرتتەرىنىڭ ونەرىنەن كەيىن ديما بيلان 60 پايىز داۋىسىن ەرنار سادىرباەۆقا, 40 پايىزىن يلحام تاگيروۆقا بەردى.
كورەرمەندەر داۋىسىنان كەيىن Amre جالپى 128,5 پايىز داۋىس جيناپ, فينالعا شىقتى. تاگيروۆتا 71,5 پايىز داۋىس بولدى.
تاعى ءبىر قازاقستاندىق الىشەر كارىموۆ فينالعا شىعۋ ءۇشىن رەسەيلىك تاتيانا كاچۋرينامەن باق سىناستى. ولاردىڭ كومانداسى الەكساندر گرادسكي بيىل 28 قاراشادا قايتىس بولعاننان كەيىن تالىمگەرسىز قالعان ەدى.
الىشەر كارىموۆ «يا تەبيا نيكوگدا نە زابۋدۋ» ء(ماتىن اۆتورى اندرەي ۆوزنەسەنسكي, كومپوزيتور الەكسەي رىبنيكوۆ) ءانىن ورىندادى.
فيناليست كورەرمەندەردىڭ داۋسىمەن تاڭدالدى. ناتيجەسىندە الىشەر كارىموۆ 52 پايىز, تاتيانا كاچۋرينا 48 پايىز جينادى. وسىلايشا قازاقستاندىق ءانشى شوۋ فينالىنا ءوتتى.
جالپى «رەسەي داۋىسى» شوۋىنىڭ فينالىنا الىشەر كارىموۆ, ەرنار سادىرباەۆ, الەكساندر ۆولكوداۆ جانە ەلينا پان شىقتى.
ءتورت قاتىسۋشى اراسىندا جەڭىمپاز 30 جەلتوقساندا انىقتالادى.
