بۇگىن ەلورداداعى ۇلتتىق اكادەميالىق كىتاپحانادا وتكەن «شىعىستىڭ شوقجۇلدىزدارى» اتتى حالىقارالىق كونفەرەنتسيادا نيزاميدىڭ قازاق تىلىنە, ءناۋايدىڭ قازاق جانە ازەربايجان تىلدەرىنە, سونداي-اق يۋنۋس ەمرەنىڭ قازاق تىلىنە اۋدارىلىپ, باسىلعان ەڭبەكتەرىنىڭ تانىستىرىلىمى ءوتتى.
«تۇركى الەمى جاھان جۇرتىنىڭ نازارىن وزىنە اۋداردى. جاڭا زاماندا دا ءبىز وسى بيىككە كوتەرىلۋدى ماقسات تۇتۋىمىز كەرەك. ول ءۇشىن تۇركى جۇرتىنىڭ تۇتاستىعىن كوزدەيتىن بۇگىنگىدەي ەڭبەكتەردىڭ ماڭىزى زور. سەبەبى, الەم تۇركى جۇرتىنىڭ رۋحاني الەۋەتىن ۇلى تۇلعالارىمىز بەن ولاردىڭ ومىرشەڭ تۋىندىلارى ارقىلى تانيدى. سوندىقتان شايىرلاردىڭ تۇركى حالىقتارىنىڭ التىن دىڭگەگى سانالاتىن مۇراسىن جارىققا شىعارۋ, اۋدارۋ, زەرتتەۋ - بىزدەرگە مىندەت», دەپ جازدى ماۋلەن اشىمباەۆ ءوزىنىڭ Facebook پاراقشاسىندا.
وسى رەتتە سەنات توراعاسى قازاقتىڭ كورنەكتى اقىندارى نەسىپبەك ايت ۇلىنا, سۆەتقالي نۇرجانعا, عالىم ءتورالى قىدىرعا العىسىن ءبىلدىردى.
ول, سونداي-اق حالىقارالىق تۇركى اكادەمياسىنىڭ قاجىرلى ەڭبەگىن ەرەكشە اتاپ ءوتتى.
«وسى مىندەتتىڭ ۇدەسىنەن شىعا بىلگەن دارحان قىدىرالى باستاعان حالىقارالىق تۇركى اكادەمياسىنىڭ ۇجىمىنا العىس ايتامىز. الداعى ۋاقىتتا دا بۇل باعىتتاعى جۇمىستارىڭىز تابىستى بولسىن. باۋىرلاس ەلدەردىڭ ىنتىماعى نىعايا بەرسىن», دەپ جازدى ول.
