پەتروپاۆلدىڭ 4 مەكتەبىنە الاش قايراتكەرلەرىنىڭ ەسىمدەرىن بەرۋ تۋرالى سولتۇستىك قازاقستان وبلىستىق ونوماستيكا كوميسسياسىنىڭ ۇسىنىسى ۇكىمەتتە قارالىپ, قولداۋ تاپتى.
ءتيىستى قۇجات اشىق نورماتيۆتىك-قۇقىقتىق اكتىلەر سايتىندا جاريالانىپ, كوپتىڭ تالقىسىنا ۇسىنىلدى. قوعامدىق تالقىلاۋ 2022 جىلدىڭ 5 قاڭتارىنا دەيىن جالعاسپاق.
قۇجاتقا سايكەس پەتروپاۆل قالالىق № 25 جالپى ءبىلىم بەرەتىن ورتا مەكتەپكە – قوعام قايراتكەرى, الاش پارتياسىنىڭ جەتەكشىسى ءاليحان بوكەيحاننىڭ, №2 ورتا مەكتەپكە – مەملەكەت, ساياسي, مادەنيەت قايراتكەرى, سقو تۋماسى سماعۇل سادۋاقاس ۇلىنىڭ, №9 ورتا مەكتەپكە قازاقتىڭ اقىنى, قوعام قايراتكەرى, اعارتۋشى, الاش وردا وكىمەتىنىڭ مۇشەسى احمەت بايتۇرسىن ۇلىنىڭ ەسىمى بەرىلەدى. ال ۇلتتىق سپورت تۇرلەرىنەن وبلىستىق بالالار مەن جاسوسپىرىمدەر سپورت مەكتەبى قازاقتىڭ تۇڭعىش كاسىپقوي بالۋانى قاجىمۇقان ەسىمىمەن اتالماق.
