قاسىم-جومارت توقاەۆقا مەملەكەتتىك باسقارۋ جۇيەسىن جەتىلدىرۋ ماقساتىمەن جۇزەگە اسىرىلىپ جاتقان تسيفرلىق ترانسفورماتسيا جۇمىستارىنىڭ بارىسى جانە مينيسترلىكتىڭ بيىلعى قىزمەتىنىڭ قورىتىندىلارى تۋرالى ەسەپ بەرىلدى.
پرەزيدەنتكە مەملەكەتتىك قىزمەت ۇسىنۋ فۋنكتسياسىنىڭ بيزنەس-پروتسەستەرىنە قاتىستى رەينجينيرينگتەۋ جۇمىستارىنىڭ ارالىق ناتيجەلەرى, سىبايلاس جەمقورلىققا قارسى ءىس-قيمىلداعى تسيفرلاندىرۋدىڭ ءرولى جونىندە باياندالدى. ازاماتتاردىڭ ناقتى تىرشىلىك جاعدايىنا قاتىستى 110 بيزنەس-پروتسەسس قايتا قارالدى. اتاپ ايتقاندا, جۇرگىزۋشى كۋالىگىن شىعارۋ, مۇگەدەكتىكتى انىقتاۋ جانە جاردەماقىلاردى ەسەپتەۋدى جەدەلدەتۋ, سونداي-اق اۋىل شارۋاشىلىعى سالاسىندا سۋبسيديا الۋ ءۇشىن جاڭا ادىستەر ەنگىزۋ پروتسەسىن ترانسفورماتسيالاۋ تاجىريبەسى ۇسىنىلدى
قاسىم-جومارت توقاەۆ تسيفرلى ۆيتسە-مينيسترلەرگە ارنالعان KPI مەن ولاردىڭ جۇمىستارىنا بەرىلەتىن باعاعا قاتىستى كريتەريلەردى, سونداي-اق 2022 جىلدان باستاپ بارلىق مەملەكەتتىك قىزمەتشىلەرگە تسيفرلىق قۇزىرەتتەردى وقىتۋ جونىندەگى ۆەدومستۆونىڭ باستاماسىن قولدادى. سونىمەن قاتار پرەزيدەنت تسيفرلىق ترانسفورماتسيانىڭ تابىستى بولۋى ءۇشىن ءاربىر قىزمەتشى تسيفرلىق داعدىلاردىڭ قاجەتتى كولەمىن بىلۋگە ءتيىس ەكەنىن اتاپ ءوتتى.
بيىل ۆەدومستۆو تەكسەرۋلەر سانىن 500 پايىزعا كوبەيتتى. سونىڭ ناتيجەسىندە بايلانىس ساپاسىنىڭ ولشەمدەرىن ساقتاماعانى ءۇشىن وپەراتورلارعا ايىپپۇل سالىنعان. قابىلدانعان شارالار 532 اۋىلداعى بايلانىس ساپاسىن جاقسارتۋعا مۇمكىندىك بەردى.
«حقكو» ءموبيلدى قوسىمشاسىندا بەينەكونسۋلتاتسيا ارقىلى كورسەتىلەتىن مەملەكەتتىك قىزمەتتەر پيلوتتىق رەجيمدە قولجەتىمدى. قازىرگى ۋاقىتتا 34 انىقتامانىڭ تسيفرلىق اينالىم مۇمكىندىگى جۇزەگە اسىرىلعان. ەGov mobile ء موبيلدى قوسىمشاسىندا قۇجاتتاردىڭ 18 ءتۇرىن قامتيتىن «تسيفرلىق قۇجات» سەرۆيسى ىسكە اسىرىلدى. بۇگىندە بۇل قىزمەتتى 6 ميلليون ادام پايدالانعان.
بۇدان بولەك باعدات مۋسين قاسىم-جومارت توقاەۆقا IT جانە عارىش سالالارىن دامىتۋدىڭ قازىرگى جۇمىستارى مەن جوسپارى جونىندە باياندادى.
