«بۇگىنگى تاڭدا اۋقىمدى تالدامالىق جۇمىستار جۇرگىزىلدى, باقىلاۋشى ورگانداردىڭ ەسكەرتۋلەرى زەردەلەنىپ, سۋبسيديالاۋدىڭ جاڭا تەتىگىنىڭ ءبىرىنشى نۇسقاسى ازىرلەندى. ونىڭ نەگىزگى جاڭالىقتارى سۋبسيديالاۋ جانە اكىمشىلەندىرۋ راسىمدەرىن جەڭىلدەتۋ, اۋقىمىنا قاراماستان بارلىق سۋبەكتىلەرگە سۋبسيديانىڭ قولجەتىمدىلىگىن قامتاماسىز ەتۋ, ەڭبەكتىڭ تۇپكىلىكتى ناتيجەسىنە قايتا باعدارلاۋ جانە سۋبسيديا الۋشىلاردىڭ ناقتى ينديكاتيۆتىك كورسەتكىشتەرگە قول جەتكىزۋ بويىنشا قارسى مىندەتتەمەلەر قابىلداۋى بولىپ وتىر. ءبىز ءتۇرلى الاڭداردا سۋبسيديالاۋدىڭ وسى نۇسقاسىن ەكى رەت تانىستىردىق. بارلىق مۇددەلى قۇرىلىمدارمەن, قوعامدىق ۇيىمدارمەن, بيزنەس قاۋىمداستىق وكىلدەرىمەن تۇراقتى ديالوگ جۇرگىزۋدەمىز», دەدى ەربول قاراشوكەەۆ ورتالىق كوممۋنيكاتسيالار قىزمەتىندە.
وسى ورايدا ول كوپتەگەن ەسكەرتۋلەر مەن ۇسىنىستار العانىن, قازىرگى ۋاقىتتا ولاردى زەردەلەۋ مەن وڭدەۋ جۇمىستارى جۇرگىزىلىپ جاتقانىن جەتكىزدى.
«پىسىقتاۋ پروتسەسىن ءارى قاراي جالعاستىرۋدى, وڭىرلەرگە شىعىپ, تالقىلاۋ ۇيىمداستىرۋدى جوسپارلاپ وتىرمىز. ەڭ باستىسى, سۋبسيديالاۋدىڭ جاڭا جۇيەسى ماسىلدىق ارەكەتكە جەتەلەمەي, ىنتالاندىرۋشى, ءوندىرىس كولەمىن ۇلعايتۋعا باعىتتالعان جانە ىشكى ازىق-ت ۇلىك نارىعىنىڭ جاعدايىنا عانا ەمەس, جالپى اۋىل شارۋاشىلىعىنىڭ ەكسپورتتىق الەۋەتىنە دە وڭ اسەر ەتۋشى بولعانىن قالايمىز», دەدى مينيستر.
