بۇگىنگى تاڭدا نۇر-سۇلتاندا 18 600-دەن استام ادام Pfizer پرەپاراتىمەن ەگىلدى. ونىڭ 12 مىڭنان استامى-12-17 جاستاعى بالالار, 6 مىڭعا جۋىعى بالا ەمىزەتىن ايەلدەر جانە 400-دەن استامى جۇكتى ايەلدەر.
دەنساۋلىق ساقتاۋ باسقارماسىندا اتاپ وتكەندەي, ۆاكتسيناتسيا پۋنكتەرى نەگىزىنەن جۇمىس كۇندەرى تولتىرىلادى.
ء«بىز دەمالىس كۇندەرى ادامدار ءوز ىستەرىمەن اينالىساتىنىن, وتباسىلارىمەن ۋاقىت وتكىزەتىنىن تۇسىنەمىز, سوندىقتان ۆاكتسيناتسيانىڭ ءوسۋى جۇمىس كۇندەرىنە كەلەدى. بىراق, وسىعان قاراماستان, ەگۋ پۋنكتەرى دەمالىس جانە مەرەكە كۇندەرى دە جۇمىسىن جالعاستىرۋدا», دەپ حابارلادى ۆەدومستۆودان .
سونداي-اق ەلوردادا تۇرعىنداردىڭ رەۆاكتسيناتسياسى جالعاسۋدا. رەۆاكتسيناتسيانىڭ ءبىر ايىندا 13 مىڭنان استام ادام كۆي-عا قارسى ءۇشىنشى رەت ۆاكتسينا الدى.
ەستەرىڭىزگە سالا كەتەيىك, مەديتسينالىق ۇيىمداردا دا, ساۋدا كەشەندەرىندە دە قايتا ۆاكتسيناتسيالاۋعا بولادى. ال Pfizer الۋ ءۇشىن مەديتسينالىق ۇيىمدار مەن ەلوردالىق مەكتەپتەردىڭ ۆاكتسيناتسيا پۋنكتەرىنە عانا جۇگىنۋ قاجەت. قازىرگى ۋاقىتتا امەريكاندىق ۆاكتسينا تەك جۇكتى جانە بالا ەمىزەتىن ايەلدەرگە, 12 جاستان 18 جاسقا دەيىنگى بالالارعا ارنالعان.
