“CHEVROLET CRUZE” كونۆەيەردەن شىقتى

قازاقستانداعى تۇڭعىش اۆتوكو­لىك­تەر قۇراستىراتىن “ازيا-اۆتو” زاۋى­تى 2003 جىلى ەلباسى نۇرسۇلتان نازار­باەۆ­تىڭ قول­داۋىمەن, ينۆەستيتسيا تارتۋ ناتيجەسىندە  اشىلعان ەدى. 7 جىلدىڭ ءىشىن­دە كاسىپ­ورىننان كولىكتەردىڭ “Volkswagen Group”, “General Motors”, “Renault-ءNىssan-اۆتوۆاز” جانە ء“KىA Motors”, “Skoda” ء(Octavىa, ءOctavىa Tour, Su­perb), “Chevrolet” ء(Captىva, ءEpىca, La­cetttى), Lada 4x4 تۇرلەرى شىعارىلدى. ءۇس­تىمىزدەگى جىلدىڭ ءىى توقسانىنان باس­تاپ ء“KىA” Sorento, Mohave جانە Cerato ءتۇر­لەرى ءوز تۇتىنۋشىلارىنا جول تارتپاق. 6 مامىر كۇنى كولىكتىڭ جاڭا ءتۇرى “Chevrolet Cruze-ءنىڭ” تۇساۋى كەسىلدى. شىعىس قازاقستان وبلىسىنىڭ اكىمى بەردىبەك ساپارباەۆ جاڭا كولىكتىڭ شىعۋىنا بايلانىستى سالتاناتتى جيىندا ءسوز الدى. – ءبىز ۇزاق جىلداردان بەرى “ازيا اۆتو” زاۋىتىمەن بىرگە ىنتىماقپەن جۇمىس ىستەپ, قازاقستاندىق كولىك ين­دۋس­ترياسىن دامىتۋعا ەلەۋلى ۇلەس قو­سىپ كەلە جاتقان “General Motors” كوم­پانياسى باسشىلارىنا العىسى­مىز­دى ايتامىز. يندۋستريالىق-ين­نوۆاتسيالىق دامۋ باعدارلاماسىنا سايكەس ەلباسى قولداۋ جاساپ, اتال­مىش زاۋىتتىڭ دامۋىنا مول قارجى ءبو­لىنىپ وتىر. الداعى ۋاقىتتا قا­زاق­ستاننىڭ دەربەس اۆتوكولىك زاۋىتىن سالۋ ءۇشىن ەرتىس وزەنىنىڭ سول جاعا­لاۋىنان 50 گا جەر ءبولىپ بەردىك, – دەدى ءوڭىر باسشىسى. – ءۇش مەملەكەتتىڭ كەدەن ودا­عى­نا ەنۋىنە بايلانىستى كاسىپورىننىڭ جاڭا كولىكتەرى بەلارۋس, رەسەيگە دە جونەلتىلمەك. جاڭا ماركالى كولىك جانار­مايدى از جاعادى. وندا ءجۇر­گىزۋ­شى ءۇشىن بارلىق جاعداي جاسالعان. كو­لىكتىڭ باعاسى  16100 دوللار شاما­سىن­دا. قازاقستاننىڭ بارلىق وبلىس ور­تا­لىقتارىندا “بيپەك اۆتونىڭ” كولىك ساۋدالايتىن فيليالدارى جۇ­مىس ىستەپ تۇر. بۇل جەردەن كەز كەلگەن تۇرعىن وزىنە قاجەت تۇلپاردى ساتىپ الا الادى, – دەدى “ازيا اۆتو” اق پرەزيدەنتى ەرجان مانديەۆ. وڭداسىن ەلۋباي. وسكەمەن.