قوس تاراپ قازاقستان-رۋمىن ىنتىماقتاستىعىنىڭ سەرپىندى سيپاتىن اتاپ, بارلىق سالاداعى ارىپتەستىكتى نىعايتۋ نيەتتەرىن ءبىلدىردى.
ءماجىلىس سپيكەرى قازاقستاننىڭ تۇڭعىش پرەزيدەنتى - ەلباسى نۇرسۇلتان نازارباەۆتىڭ ءبىزدىڭ ەلىمىز بەن رۋمىنيا اراسىنداعى قارىم-قاتىناستاردىڭ قالىپتاسۋى مەن دامۋىنداعى نەگىزگى ءرولىن اتاپ, مەملەكەت باسشىسى قاسىم-جومارت توقاەۆتىڭ ەكىجاقتى ىنتىماقتاستىقتى بارىنشا جالعاستىرىپ كەلە جاتقانىن جەتكىزدى.
«قازاقستان - رۋمىنيا ءۇشىن ماڭىزدى سەرىكتەس. بىزدە ەكى ەلدىڭ مۇددەسى ءۇشىن ءوزارا ءىس-قيمىلدى دامىتۋ باعىتتارىنىڭ كەڭ اۋقىمى بار», دەدى رۋمىنيا سەناتىنىڭ ۆيتسە-سپيكەرى الينا-شتەفانيا گورگيۋ.
پەرسپەكتيۆالى باعىتتار اراسىندا ساۋدا-ەكونوميكالىق ىنتىماقتاستىق, اۋىل شارۋاشىلىعى, ەكولوگيا, جەڭىل جانە تاماق ونەركاسىبى سالالارى اتاپ ءوتىلدى. نۇرلان نىعماتۋلين قازاقستاندىق جانە رۋمىن پارلامەنتشىلەرىنىڭ بىرلەسكەن جۇمىسىنىڭ جاندانۋى زاڭ شىعارۋ قىزمەتىنىڭ تاجىريبەسىمەن الماسۋعا, سونداي-اق پارلامەنتارالىق ۇيىمدار شەڭبەرىندە نەعۇرلىم تىعىز ءوزارا ءىس-قيمىل جاساۋعا ىقپال ەتەتىنىنە سەنىم ءبىلدىردى.
ءماجىلىس سپيكەرى اتاپ وتكەندەي, قازىرگى ۋاقىتتا قازاقستاندىق دەپۋتاتتار ەل پرەزيدەنتىنىڭ ساياسي رەفورمالارىن قولداۋ ءۇشىن زاڭنامالىق بازانى قۇرۋ, ونەركاسىپتىك ساياسات, بيولوگيالىق قاۋىپسىزدىك جانە باسقا دا سالالارداعى زاڭنامانى جەتىلدىرۋ جۇمىستارىن جالعاستىرىپ كەلەدى.
