23 جەلتوقساندا مەملەكەتتىك اكادەميالىق فيلارمونيا «استانا» كونتسەرت زالىنىڭ ساحناسىندا جامبىل جاباەۆتىڭ 175 جىلدىعىنا ارنالعان حالىق ءانى ءبولىمىنىڭ كونتسەرتىن وتكىزەدى. وعان «سارىارقا» فولكلورلىق ءانسامبلى دە قاتىسادى.
«جاستار» تەاترى جاس كورەرمەندەردى 22-29 جەلتوقسان ارالىعىندا كۇن سايىن وتكىزىلەتىن جاڭا جىلدىق ەرتەڭگىلىك پەن گ.ح. اندەرسەننىڭ «كىشكەنتاي سۋ پەرىسى» ەرتەگىسىنە شاقىرادى. 26 جەلتوقساندا ساعات 19:00-دە «كۇيەۋ بالا» دراماسىنىڭ پرەمەرالىق سپەكتاكلى ۇسىنىلادى.
ەلوردالىق قۋىرشاق تەاترى ءوز قوناقتارىنا «جاڭا جىلدىق عاجايىپتار» اتتى قۋىرشاقتار شوۋىن دايىنداپ وتىر. وعان 18 جەلتوقساننان 30 جەلتوقسانعا دەيىن بارۋعا بولادى. كۇنىنە بىرنەشە قويىلىم ۇيىمداستىرىلادى.
م. گوركي اتىنداعى مەملەكەتتىك اكادەميالىق ورىس دراما تەاترى 22 جەلتوقساندا ساعات 19:00-دە ن.گوگولدىڭ «گوگول.پەتەربۋرگ» جەلىسى بويىنشا ساحنالانعان قويىلىمىن, ال 23-25 جەلتوقساندا اتالمىش تەاتر گوگولدىڭ «جەنيتبا» كومەدياسىن ۇسىنادى. 25 جەلتوقساندا ساعات 11:00-دە م.بارتەنەۆتىڭ «سنەگۋرۋشكا» ەرتەگىسىن كورۋگە بولادى. ەرتەسىندە كورەرمەن قاۋىم ر.باەرانىڭ «سمەشاننىە چۋۆستۆا», ال 30 جەلتوقساندا ر.تومنىڭ «ۆوسەم ليۋبياششيح جەنششين» قويىلىمدارىنا شاقىرادى.
28 جەلتوقساندا ساعات 15:00-دە «ناز» مەملەكەتتىك بي تەاترىندا «مىڭ ءبىر ءتۇن» حورەوگرافيالىق قويىلىمى وتەدى.
21 جەلتوقساندا جۇرتشىلىقتى مۋزىكالىق جاس كورەرمەن تەاترى مۇقاعالي ماقاتاەۆتىڭ 90 جىلدىعىنا وراي «ماحاببات-جۇرەك» مۋزىكالىق-پوەتيكالىق سپەكتاكلىن تاماشالاۋعا شاقىرادى. 23, 28, 30 جەلتوقساندا اتالمىش تەاتر «كۇلشەقىز» مۋزىكالىق ەرتەگىسىن كورسەتەدى.
28 جانە 29 جەلتوقساندا Nomad City Hall ساحناسىندا «ساراڭ» سپەكتاكلىنىڭ پرەمەراسى وتەدى.
23 جەلتوقساننان 7 قاڭتارعا دەيىن كۇن سايىن استانالىق تسيركتە «كرۋەللا جانە جاڭا جىلدىق ەليكسير» اتتى جاڭا جىلدىق تسيرك قويىلىمىن كورۋگە بولادى.
27-30 جەلتوقسان ارالىعىندا ەلوردانىڭ ورتالىقتاندىرىلعان كىتاپحانا جۇيەسى «جۇرەكتەن جۇرەككە» قايىرىمدىلىق اكتسياسىن وتكىزەدى, ونىڭ اياسىندا الەۋمەتتىك از قامتىلعان جانە كوپبالالى وتباسىلارعا الەۋمەتتىك كومەك كورسەتەدى.
20-31 جەلتوقسان ارالىعىندا «اتامەكەن» قازاقستان كارتاسى» ەتنو-مەموريالدىق كەشەنىنىڭ بەتتەرىندە الەۋمەتتىك جەلىلەردە جازۋشى جانە پۋبليتسيست يمانجان مۇقانوۆ, اقىن جانە جۋرناليست ەسەت اۋكەباەۆ تۋرالى تانىمدىق جانە تاريحي ماتەريالدار, اقمولا وبلىسىنىڭ كيەلى ورىندارى, الەمدەگى العاشقى جانە ءىرى «بايقوڭىر» عارىش ايلاعى تۋرالى ءدارىس, سونداي-اق جاڭا جىلدىق مەرەكەلىك قۇتتىقتاۋلار جاريالانادى.
وسى اپتادا ساكەن سەيفۋللين مۋزەيى ءوز اككاۋنتتارىندا «مۋزەي قورىنان» ايدارىنان زەرتتەۋ, «تار جول, تايعاق كەشۋ» رومانىنان ءۇزىندى ورنالاستىرادى, ءداستۇرلى بەينەەكسكۋرسيا وتكىزەدى.
ءىس-شارالاردىڭ ءبارى سانيتارلىق نورمالار مەن كارانتين تالاپتارىن ساقتاي وتىرىپ جۇرگىزىلەدى.
