وقيعا 12 جەلتوقسان كۇنى تۇندە بولعان. تويعا كەلگەن قوناقتار اراسىندا ەرەگىس بولىپ, الكوگولدىك ىشىمدىك ىشكەن بىرەۋى ەكىنشىسىنىڭ جۇرەك تۇسىنا پىشاق سۇعىپ العان. العان جاراقاتى سالدارىنان جابىرلەنۋشى وقيعا ورنىندا كوز جۇمدى.
«26 جاستاعى ازامات تويدا بولعان ەرەگىستى كورىپ, ول دەرەۋ قالتاسىنداعى پىشاقتى شىعارىپ, ۇرىسىپ جاتقانداردىڭ اراسىنا تۇسكەن. جابىرلەنۋشى ونى توقتاتپاق بولعاندا جىگىت ونىڭ كەۋدەسىنە پىشاق سۇعىپ العان. قازىر كۇدىكتى ۇستالىپ, جاساعان ءىس-ارەكەتىن تولىق مويىندادى», دەلىنگەن پوليتسيا دەپارتامەنتى تاراتقان حابارلامادا.
بەلگىلى بولعانداي, كۇدىكتى پىشاقتى ۇنەمى وزىمەن بىرگە الىپ جۇرگەن ەكەن. كۇدىكتىنىڭ ۇستىنەن قر قىلمىستىق كودەكسىنىڭ 99-بابى (كىسى ءولتىرۋ) بويىنشا سوتقا دەيىنگى تەرگەۋ امالدارى باستالدى.
