بۇل تۋرالى EMA سايتى جازادى.
سايتتىڭ مالىمەتىنشە, كوروناۆيرۋسقا قارسى Nuvaxovid دەپ اتالاتىن ۆاكتسينا 18 جاستان اسقان ەرەسەكتەرگە ۇسىنىلادى. وسى ۆاكتسينانى سىناۋ دەرەكتەرىن مۇقيات باعالاۋدان كەيىن ساراپشىلار پرەپارات سەنىمدى جانە ءتيىمدى, قاۋىپسىز جانە ساپا بويىنشا قاجەت تالاپتارعا ساي كەلەدى دەگەن قورىتىندىعا كەلىپتى.
ەۋروكوميسسيا پايدالانۋعا جىبەرگەننەن كەيىن پرەپارات ەو-دا كوروناۆيرۋسقا قارسى قولدانىلاتىن بەسىنشى ۆاكتسينا جانە اقۋىز نەگىزىندەگى ءبىرىنشى ۆاكتسينا بولادى.
30 مىڭعا جۋىق ناۋقاس قاتىسقان زەرتتەۋدىڭ ءۇشىنشى كەزەڭىندە ول باستاپقى SARS-CoV-2 ۆيرۋسىنا قاتىستى 90 پايىز جالپى تيىمدىلىكتى كورسەتتى, الايدا ونىڭ مۋتاتسيالارعا قارسى تيىمدىلىگى تۋرالى ايتىلمايدى. بۇل ۆاكتسينانىڭ جاڭا «وميكرون» شتامىنا قارسى تيىمدىلىگى تۋرالى مالىمەتتەر ءالى دە از.
ەو Nuvaxovid ەكپەسىنىڭ 200 ميلليون دوزاسىن ساتىپ الۋعا نيەتتى. جەتكىزۋ 2022 جىلدىڭ قاڭتارىندا باستالادى دەپ جوسپارلانىپ وتىر
