پارتيا توراعاسى ءبىرىنشى ورىنباسارىنىڭ ايتۋىنشا, قانات بوزىمباەۆ بۇعان دەيىن جامبىل جانە پاۆلودار وبلىستارىندا پارتيانى تابىستى باسقارعان. فيليال جاڭا باسشىلىعىنىڭ الدىندا پارتيانىڭ سايلاۋالدى مىندەتتەمەلەرىن ودان ءارى ساپالى ورىنداۋ, قوعامدىق كەڭەستەردىڭ جۇمىسىن جانداندىرۋ جانە حالىقپەن كەرى بايلانىستى نىعايتۋ مىندەتتەرى تۇر.
«ساياسي كەڭەستىڭ كەڭەيتىلگەن وتىرىسىندا ەلباسى, پارتيا ليدەرى نۇرسۇلتان نازارباەۆ ايتقانداي, «قازاقستان تاۋەلسىزدىكتىڭ ءتورتىنشى ونجىلدىعىنا قادام باسۋدا. بۇل اۋقىمدى وزگەرىستەرگە, قيىن دا جاۋاپتى شەشىمدەرگە تولى كەزەڭ بولارى انىق». مۇنداي جاعدايدا بيلەۋشى پارتيا رەتىندە Nur Otan-عا ەلدەگى ساباقتاستىق, ساياسي تۇراقتىلىق جانە ودان ءارى دامۋدى قامتاماسىز ەتەتىن ەل پرەزيدەنتى قاسىم-جومارت توقاەۆتىڭ مەملەكەتتىك باعىتى توڭىرەگىندە قوعامدى توپتاستىرۋ جونىندەگى ەرەكشە مىندەت جۇكتەلگەن», دەپ اتاپ ءوتتى باۋىرجان بايبەك.
سونداي-اق, ول كونفەرەنتسيادا Nur Otan ساياسي كەڭەسى بيۋروسىنىڭ شەشىمىمەن «بەلسەندى قىزمەتى ءۇشىن» پارتيالىق ناگراداسىمەن ماراپاتتالعان فيليالدىڭ بۇرىنعى توراعاسى اماندىق باتالوۆقا اتقارعان جۇمىسى ءۇشىن العىس ءبىلدىردى.
وسى كۇنى باۋىرجان بايبەك پارتيانىڭ «وزگەرىستەر جولى: ءار ازاماتقا لايىقتى ءومىر!» سايلاۋالدى باعدارلاماسىن جۇزەگە اسىرۋ اياسىندا اشىلعان بىرقاتار الەۋمەتتىك نىسانداردى ارالادى.
ول وبلىستاعى وقۋشىلار سارايىنا بارىپ, وندا 140-تان استام بالاعا 3D جانە ينتەراكتيۆتى مودەلدەردى جاساۋ, باعدارلامالاۋ, قۇراستىرۋ داعدىلارىن ۇيرەنۋگە مۇمكىندىك بەرەتىن جاڭا FAB LAB يننوۆاتسيالىق زەرتحاناسىنىڭ جۇمىسىمەن تانىستى.
بۇدان سوڭ پارتيا توراعاسىنىڭ ءبىرىنشى ورىنباسارى ايەلدەر كاسىپكەرلىگىن دامىتۋ ورتالىعىنا باردى. وندا ءىسىن جاڭا باستاعان جانە جۇمىس ىستەپ جۇرگەن كاسىپكەر ايەلدەر جەڭىلدىكپەن نەسيە الۋ, ساتۋ نارىعىن كەڭەيتۋ, بيزنەس-جوبالاردى ىسكە اسىرۋدا تاجىريبەلىك كومەك الۋ سياقتى ت.ب. ماسەلەلەر بويىنشا كەڭەس الۋىنا بولادى.
«جالپى, پارتيا سايلاۋالدى باعدارلاماسىن جۇزەگە اسىرۋدىڭ 11 ايداعى قورىتىندىسى بويىنشا وڭىردە 1 ميلليون شارشى مەترگە جۋىق تۇرعىن ءۇي, 12 مەكتەپ پايدالانۋعا بەرىلىپ, 538 كم جول سالىندى جانە جوندەلدى, 27 مىڭ تۇراقتى جۇمىس ورنى اشىلدى جانە ت.ب. وسىنداي جۇمىستاردى پارتيا ەلىمىزدىڭ بارلىق وڭىرلەرىندە جۇرگىزىپ جاتىر», دەپ جازدى ول ساپارىنىڭ قورىتىندىسى تۋرالى Facebook-تەگى پاراقشاسىندا.
