دەمالىس كۇندەرى تاڭعى ساعات 8-دەن كەشكى ساعات 5-كە دەيىن جۇرت جارمەڭكەدە اقمولا, پاۆلودار, قاراعاندى, شىعىس قازاقستان وبلىستارىنىڭ تاۋار وندىرۋشىلەرىنىڭ, سونداي-اق ەلوردالىق تاۋار وندىرۋشىلەردىڭ ونىمدەرىن ساتىپ الا الادى.
«مۇندا ءبارى وتە جاقسى ۇيىمداستىرىلعان, بازار ءىشى جىلى ءارى جايلى, كەلۋشىلەر كوپ», دەپ اتاپ ءوتتى ەلوردالىق نۇرجامال تۇرانوۆا.
پريگورودنىي ەلدى مەكەنىنىڭ تۇرعىنى گۇلسىم قوناروۆا جارمەڭكەگە ەت ساتىپ الۋعا كەلدى, ايتۋىنشا باعاسى وتە قولايلى.
«مەن ەت الۋعا كەلدىم. مۇندا ەت ارزان, بازار ءىشى وتە جاقسى, مۇندا ءجيى كەلۋگە بولادى. قاجەتتى ءونىمنىڭ ءبارى ارزان», دەدى ول.
باعالار راسىمەن ارزان. مۇندا سيىر ەتى – 2000 تگ/كگ, جىلقى ەتى – 2200 تگ/كگ, قازى, جايا 2500 تگ/كگ ساتىلادى.
ء«بىز كوكونىس وسىرەمىز. جارمەڭكە تۋرالى ەستىگەن بەتتە بىردەن ءوتىنىش بەردىك, ەندى ءوز ونىمدەرىمىزدى وسىندا شىعارىپ وتىرامىز. بىزدە كوكونىستىڭ 18 ءتۇرى بار, ءبارى جاڭا پىسكەن جانە باعالارى دا قولايلى», – دەدى ساتۋشى رۇستەم.
ايتا كەتەيىك, جارمەڭكەدە ازىق-ت ۇلىك ونىمدەرىنىڭ بارلىق ءتۇرى – ءسۇت, باكالەيا, شۇجىق, ۇن, جاڭا اۋلانعان بالىق جانە ت.ب. ساتىلادى.
جارمەڭكە سانيتارلىق نورمالاردى ساقتاي وتىرىپ وتكىزىلەدى. كەلۋشىلەر بەتپەردە تاعۋى, قول گيگيەناسىن, الەۋمەتتىك قاشىقتىقتى ساقتاۋى كەرەك.
بۇدان ءارى جارمەڭكە اپتا سايىن ءار سەنبى جانە جەكسەنبى كۇندەرى مىنا مەكەنجايدا وتەدى: پريگورودنىي ەلدىمەكەنى, ارناساي كوشەسى, 109 عيمارات.
