ەnpf-otbasy.kz ونلاين-پلاتفورماسىندا - زەينەتاقى جيناقتارىن وتباسى بانكىندەگى دەپوزيتكە اۋدارۋ مۇمكىندىگى پايدا بولعان العاشقى 6 ساعاتىڭ ىشىندە قازاقستاندىقتار ءوز دەپوزيتتەرىنە 30 ميلليارد تەڭگە اۋدارعۋعا ءوتىنىم بەرگەن.
وتباسى بانكىنىڭ تاجىريبەلى سالىمشىلارى مەملەكەتتىك سىيلىقاقىنى كۇتىپ, بولاشاقتا دەپوزيتتەردى ەڭ ءتيىمدى يپوتەكالىق باعدارلامالار بويىنشا باستاپقى جارنا رەتىندە پايدالانۋ ءۇشىن ءوز دەپوزيتتەرىن 2021 جىلعى 31 جەلتوقسانعا دەيىن تولىقتىرۋعا اسىعۋدا.
بۇل وپەراتسيانى جۇزەگە اسىرۋعا مۇمكىندىك بەرەتىن پەرنە بۇگىن ساعات 10:00-دە پايدا بولدى.
ول ءۇشىن enpf-otbasy.kz ونلاين-پلاتفورماسىنا ەتسق كومەگىمەن كىرىپ, «ماقساتتى تاڭداۋ» پەرنەسىن باسىپ, «تۇرعىن ءۇي ساتىپ الۋ» بولىمىندە «ودان ءارى جيناقتاۋ ءۇشىن تۇرعىن ءۇي قۇرىلىس جيناق سالىمىن تولىقتىرۋ» دەگەن ماقساتتى تاڭداۋ قاجەت.
بانك بولىمشەسىنە بارۋدىڭ قاجەتى جوق, بارلىق ءوتىنىم ونلاين قابىلدانادى.
ەستەرىڭىزگە سالا كەتەيىك, بىرجولعى زەينەتاقى تولەمدەرىن الۋ بويىنشا ونلاين-پلاتفورمامەن جۇمىس ىستەۋ كەزىندە سىزگە nclayer سەرتيفيكاتتارىن ورناتۋ قاجەت. سەرتيفيكاتتاردى Pki.gov.kz سايتتىندا ورناتۋعا بولادى.
زەينەتاقى جيناقتارىن الۋ بويىنشا بارلىق ءىس-شارا تەك كومپيۋتەردەن عانا قولجەتىمدى بولاتىنىن ەستە ۇستاعان ءجون. ءموبيلدى نۇسقا قول جەتىمدى بولمايدى.
