كوپپاتەرلى تۇرعىن ءۇي كەشەنى بىرنەشە كەزەكتەن تۇرادى, وندا ۇلەسكەرلەردىڭ ەڭ كوپ سانى شوعىرلانعان – شامامەن 2,5 مىڭ وتباسى. ءبىرىنشى كەزەكتە «شىعىس» تك قۇرىلىسى اياقتالىپ, قازىر 800-گە جۋىق ۇلەسكەر ءوز پاتەرلەرىندە تۇرىپ جاتىر, ال قۇجاتتاردى رەسىمدەۋ پروتسەسى جۇرگىزىلۋدە. بيىل بارلىعى 57 تۇرعىن ءۇيدىڭ قۇرىلىسى اياقتالادى, وسىلايشا 7500-دەن استام ۇلەسكەردىڭ ماسەلەسى شەشىلەدى.
بۇگىنگى تاڭدا «شىعىس» تك 2 جانە 3-كەزەكتەگى 1047 ۇلەسكەرگە جوندەۋ جۇمىستارىن جۇرگىزۋ ءۇشىن كىلتتەرى بەرىلىپ جاتىر.
«شىعىس» تك قالعان 1058 ۇلەسكەرىنىڭ ءتورتىنشى جانە بەسىنشى كەزەگىنىڭ ماسەلەلەرىن ەكىنشى دەڭگەيلى بانكپەن جانە ينۆەستورمەن «قونىس اۋدارۋ» جوباسى بويىنشا جاسالعان كەلىسىم اياسىندا شەشۋ جوسپارلانىپ وتىر. ال 4, 5-كەزەكتەگى جانە 2ب ۇلەسكەرلەرى «شىعىس» تك, سونداي-اق «جاعالاۋ-4» تك 1-پوليگون, 2-پوليگون دايىن تۇرعان «شىعىس» تك 3ا جانە 3ب نىسانىنا كوشىرىلەدى.
مەملەكەت باسشىسىنىڭ تاپسىرماسى بويىنشا ەلوردا اكىمدىگى ۇزاق قۇرىلىس جۇمىستارىن اياقتاۋ بويىنشا جۇيەلى جۇمىس جۇرگىزۋدە.
وسىلايشا, وسى بلوكتاردا قۇرىلىستى قايتا باستاۋ ءۇشىن قاجەتتى راسىمدەر جۇرگىزىلدى: وبەكتىنىڭ تەحنيكالىق تەكسەرۋ قورىتىندىسى الىندى, قارجىلىق اۋديت جۇرگىزىلدى, قۇرىلىس سالۋشى انىقتالدى.
نىساننىڭ بارلىق 17 بلوگىندا ءمونوليتتى جۇمىستار, تاس قالاۋ جۇمىستارى جۇرگىزىلدى, سىرتقى ينجەنەرلىك جەلىلەر تارتىلدى, تەرەزە بلوكتارى جايلاستىرىلدى, ىشكى ارلەۋ جانە قاسبەتتى ورناتۋ جۇمىستارى جۇرگىزىلدى. كۇن سالقىنداعانعا دەيىن اباتتاندىرۋ جانە شاعىن ساۋلەت نىساندارىن ورناتۋ جۇمىستارى جۇرگىزىلدى.
وسىلايشا, بيىل 57 تۇرعىن ءۇيدىڭ قۇرىلىسى اياقتالادى, ناتيجەسىندە 7 500-دەن استام ۇلەسكەردىڭ ماسەلەسى شەشىلەدى.
2019-2020 جىلدارى 33 كوپپاتەرلى تۇرعىن ءۇي كەشەنى سالىنىپ, پايدالانۋعا بەرىلدى. 5 مىڭنان استام ۇلەسكەر وتباسى كوپتەن كۇتكەن قونىس تويىن تويلادى. 2022-2023 جىلدارى قۇرىلىسى ۇزاققا سوزىلعان قالعان ۇيلەردى اياقتاۋ جوسپارلانىپ وتىر. ۇزاق قۇرىلىستىڭ ءاربىر نىسانى بويىنشا قادامدىق ءىس-شارالار جوسپارى بار.
