بۇل تۋرالى ءسىم ءباسپاسوز قىزمەتى ءمالىم ەتتى.
ءىس-شارانىڭ قوناقتارى قىتايدىڭ ورتالىق مەملەكەتتىك ورگاندارى, اكادەميالىق توپتارى, عىلىمي-زەرتتەۋ قۇرىلىمدارى مەن باق وكىلدەرى بولدى.
قازاقستاننىڭ قىتايداعى ۋاقىتشا سەنىمدى وكىلى مۇرات مۇقىشەۆ ءوز سوزىندە كورمەدە ۇسىنىلعان فوتوسۋرەتتەر ەلىمىزدىڭ تاۋەلسىزدىك جىلدارىنداعى تاريحىن, قر تۇڭعىش پرەزيدەنتى - ەلباسى ن.نازارباەۆتىڭ مەملەكەت قالىپتاسۋىنداعى تاريحي ءرولىن, پرەزيدەنت ق.توقاەۆتىڭ اعىمداعى رەفورمالارىن, قازاقستاننىڭ حالىقارالىق پروبلەمالاردى, ونىڭ ىشىندە ورنىقتى دامۋ, ۇلتارالىق جانە كونفەسسياارالىق كەلىسىم, قاۋىپسىزدىكتى نىعايتۋ سالالارىنداعى ۇلەسىن كورسەتەتىنىن اتاپ ءوتتى.
قىتاي حالىقارالىق الماسۋ جاستار ورتالىعى توراعاسىنىڭ ورىنباسارى چجان حۋا فوتوكورمە قىتاي اۋديتورياسىنىڭ ەرەكشە قىزىعۋشىلىعىن تۋدىراتىنىن باسا ايتتى, ويتكەنى ۇسىنىلعان فوتوسۋرەتتەر قىتايدىڭ دوستاس كورشىسى - تاۋەلسىز قازاقستاننىڭ قالىپتاسۋ تاريحىن بارىنشا كورسەتەتىنىن ەرەكشە اتاپ ءوتتى.
فوتوسۋرەتتەر شىنايى ەموتسيالاردى تۋدىرادى, سەرپىندى وزگەرىستەردى باستان كەشىرىپ جاتقان ەل ومىرىندەگى ماڭىزدى تاريحي ساتتەردىڭ كوڭىل-كۇيى مەن اتموسفەراسىن اشادى.
فوتوكورمە 20 جەلتوقسانعا دەيىن جالعاسادى.
