2019 جىلى نۇر-سۇلتانعا 100 ەلەكتروبۋس ساتىپ الىندى. كەلەسى جىلى تاعى 100 ەلەكترواۆتوبۋس ساتىپ الۋ جوسپارلانۋدا.
2021 جىلدىڭ باسىنان بەرى ەلوردادا بەس جاڭا باعىت ىسكە قوسىلدى. ونىڭ ىشىندە: №30 ء(«وندىرىس» - Greenline); № 45 («ۇركەر» – الاش تاس جولى); № 69 (قالالىق زيرات - اقان سەرى كوشەسى («راحمەت» ءسۇ); №26 («اگروگورودوك» ت/ا – «قازاقستان» تك); №323 («لەسنايا پوليانا» ت/ا – نازارباەۆ ۋنيۆەرسيتەتى).
قازىر قالادا 94 مارشرۋت جۇرەدى. حالىق اراسىندا №46, 51, 10, 9, 40, 37, 24, 56 باعىتتارى جوعارى سۇرانىسقا يە.
جىل باسىنان بەرى قالانىڭ جالپى جولاۋشىلار اعىنى 143 ميلليوننان استام ساپاردى قۇرادى.
قوعامدىق كولىكتەگى ەپيدەميولوگيالىق جاعدايعا بايلانىستى جولاۋشىلار دەنساۋلىعىنىڭ قاۋىپسىزدىگى ءۇشىن ماسكا رەجيمى ەنگىزىلدى. اۆتوبۋس سالوندارىندا انتيسەپتيكتەر ورناتىلعان. ءاربىر اۆتوبۋس سوڭعى ايالداماعا كەلگەندە سالون مىندەتتى تۇردە دەزينفەكتسيالىق ەرىتىندىمەن وڭدەلەدى, سونداي-اق اۋىسىمنان كەيىن تولىق دەزينفەكتسيا جۇرگىزىلەدى.
بۇگىندە ەلوردادا جالپى ۇزىندىعى 73,6 شاقىرىم بولاتىن 26 كوشە ۋچاسكەسىندە Bus Lane ىسكە قوسىلدى. بيىلعى جىلى بولىنگەن Bus Lane جولاقتارى كوشەنىڭ 8 ۋچاسكەسىندە پايدالانۋعا بەرىلدى. ولار تۇران, قابانباي باتىر, ۇلى دالا, بايتۇرسىنوۆ, ناجىمەدەنوۆ, تۇركىستان, ابىلاي حان (قاربالاس كەزىندە) جانە مۇحامەدحانوۆ داڭعىلدارى مەن كوشەلەرى.
قالادا بارلىعى 6 اۆتوبۋس پاركى بار, ونىڭ ىشىندە 5 - جەكە, 1 - كوممۋنالدىق. كۇن سايىن جەلىگە 869 بىرلىك اۆتوبۋس شىعادى. تاڭەرتەڭگى جانە كەشكى ساعاتتاردا جىلجىمالى قۇرامنىڭ ماكسيمالدى سانى جەلىگە شىعارىلادى.
ايتا كەتسەك, جۇرگىزۋشىلەر مەن كونتروللەرلەر «CTS بىلىكتىلىك ورتالىعىندا» بىلىكتىلىكتى ارتتىرۋ كۋرستارىنان وتەدى. ءتىپتى جۇمىسقا قابىلداۋ كەزىندە جۇرگىزۋشىلەر مىندەتتى تۇردە CTS كولىك ماماندارىنىڭ بىلىكتىلىك ورتالىعىندا وقۋدان وتەدى.
