– قاستەرلى تاۋەلسىزدىگىمىزدىڭ 30 جىلدىعى – قايتا جاڭعىرعان قازاق مەملەكەتتىگىنىڭ, اتا-بابالارىمىز اڭساعان ازاتتىقتىڭ تۇعىرى نىعايا تۇسكەنىن ايگىلەيتىن ماڭىزدى بەلەس. ەلىمىز وسى كەزەڭدە الەمدەگى وركەنيەتتى ەلدەر قاتارىنان كورىندى. تۇڭعىش پرەزيدەنت – ەلباسى نۇرسۇلتان نازارباەۆتىڭ باسشىلىعىمەن مەملەكەتىمىزدىڭ شەكاراسى شەگەندەلىپ, بيلىك جۇيەسى قالىپتاستى. ۇلتتىق ۆاليۋتامىز اينالىمعا ەندى. قۋاتتى قارۋلى كۇشتەر قۇرىلدى. اتا زاڭىمىز قابىلداندى, شەتەلدەرمەن ديپلوماتيالىق قارىم-قاتىناس ورنادى. ەلىمىز بەدەلدى حالىقارالىق ۇيىمدارعا مۇشە بولدى. «قازاقستان – 2030», «قازاقستان – 2050» ستراتەگيالىق باعدارلامالارى قابىلدانىپ, ەكونوميكاسى وزىق وتىز ەلدىڭ قاتارىنا قوسىلۋدى مەجەلەدىك, – دەدى ماحامبەت دوسمۇحامبەتوۆ.
اكىمنىڭ ايتۋىنشا, تاۋەلسىز مەملەكەتتىڭ قالىپتاسۋى مەن نىعايۋ تاريحىنان سىر شەرتەتىن ماتەريالداردى توعىستىرعان, ەلباسىنىڭ ءومىر جولىن باياندايتىن تاريحي دەرەكتەر مەن قايراتكەرلىك قىرىن كورسەتەتىن مۇراعات قۇجاتتارى توپتاستىرىلعان «ەلباسى جانە تاۋەلسىز قازاقستان تاريحى» ەكسپوزيتسيا زالىنىڭ ماڭىزى ەرەكشە. سونداي-اق تاۋەلسىزدىكتىڭ 30 جىلدىعىن مەرەكەلەۋ اياسىندا اشىلعان « ۇلىق ۇلىس – التىن وردا» زالىنىڭ جاس بۋىندى وتانشىلدىق رۋحتا تاربيەلەۋگە تيگىزەر ىقپالى زور بولماق.
مەملەكەت تاريحى ينستيتۋتىنىڭ ديرەكتورى, تاريح عىلىمدارىنىڭ دوكتورى, پروفەسسور ەركىن ءابىلدىڭ پىكىرىنە سۇيەنسەك, ەكسپوزيتسيالىق زالداردى تاريحي سانانى جاڭعىرتۋ جولىنداعى كەزەكتى قادام دەپ ايتۋعا بولادى. مۋزەي – تاريحي جادىگەرلەردى ساقتاۋ عانا ەمەس, وسكەلەڭ ۇرپاققا اتا-بابامىزدان قالعان مۇرالار ارقىلى ءتالىم-تاربيە بەرۋگە ارنالعان ۇلكەن الەۋمەتتىك نىسان. سوندىقتان ەل تاريحىنان سىر شەرتەتىن مۇنداي ەكسپوزيتسيالىق جادىگەرلەر كوپشىلىك اراسىندا كوبىرەك ناسيحاتتالۋى كەرەك. ويتكەنى ۇجىمدىق تاريحي جادىمىزدى قالىپتاستىرۋ ارقىلى ۇلتتىق سانامىزدى جاڭعىرتا الامىز.
اتىراۋ وبلىسى
