وندا دەپۋتاتتار «ونەركاسىپتىك ساياسات تۋرالى» جانە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ونەركاسىپتىك ساياسات ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوبالارىن تالقىلادى.
«ونەركاسىپتىك ساياسات تۋرالى» زاڭ جوباسى ونەركاسىپتىك ساياساتتى قالىپتاستىرۋ جانە ىسكە اسىرۋ كەزىندە تۋىندايتىن ونەركاسىپتىك ساياساتتىڭ نەگىزگى قاعيداتتارىن بەلگىلەۋ جانە قوعامدىق قاتىناستاردى رەتتەۋ ماقساتىندا ازىرلەندى.
قۇجاتتا بىرقاتار مىندەتتەر قامتىلعان, ونىڭ ىشىندە وڭدەۋ ونەركاسىبىن دامىتۋ, جۇمىس ىستەپ تۇرعان وندىرىستەردى جاڭعىرتۋ مەن باسەكەگە قابىلەتتى جاڭا وندىرىستەردى دامىتۋ ءۇشىن قولايلى جاعدايلار جاساۋ, سونداي-اق يننوۆاتسيالاردى ءتيىمدى ەنگىزۋ مەن جوعارى تەحنولوگيالىق وندىرىستەردى دامىتۋدى ىنتالاندىرۋ ماسەلەلەرى قاراستىرىلعان.
«قازاقستان رەسپۋبليكاسىنىڭ كەيبىر زاڭنامالىق اكتىلەرىنە ونەركاسىپتىك ساياسات ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىمەن بىرقاتار كودەكستەر جانە زاڭدارعا, جالپى العاندا قازاقستان رەسپۋبليكاسىنىڭ 34 زاڭنامالىق اكتىسىنە وزگەرىستەر ەنگىزۋ جوسپارلانىپ وتىر.
وسى ەكى قۇجات كوميتەتتىڭ كەڭەيتىلگەن وتىرىسىنىڭ قورىتىندىسى بويىنشا پالاتانىڭ قاراۋىنا جىبەرىلدى.
