قازاقستان • 14 جەلتوقسان، 2021

ەلىمىزدىڭ ۇزدىك بەلسەندى جاستارى ماراپاتتالدى

99 رەت كورسەتىلدى

تاۋەلسىزدىكتىڭ 30 جىلدىعى قارساڭىندا ەلوردادا «Nur Otan» پارتياسىنىڭ جاستار قاناتى ۇيىمداستىرعان «Jastar – وtanǵa!» سىيلىعىن سالتاناتتى تاپسىرۋ ءراسىمى ءوتتى. ەڭ بەلسەندى ۆولونتەرلەر، جاناشىر مەتسەناتتار مەن قوعامدىق ۇيىمدار 7 نوميناتسيا بويىنشا ماراپاتتالدى، دەپ حابارلايدى Egemen.kz.

جاس بەلسەندىلەر ءبىلىم بەرۋ، دەنساۋلىق ساقتاۋ، الەۋمەتتىك قورعاۋ سالالارىنداعى جەمىستى ەڭبەگى مەن COVID-19 پاندەمياسىمەن كۇرەستە ەرەكشە كوزگە تۇسكەنى ءۇشىن مەملەكەت باسشىسىنىڭ جارلىعىمەن بەكىتىلگەن «حالىق العىسى» مەدالىمەن ماراپاتتالدى.

ماراپاتتاۋ ءراسىمى بارىسىندا «Nur Otan» پارتياسى توراعاسىنىڭ ءبىرىنشى ورىنباسارى باۋىرجان بايبەك ەگەمەندىك جاريالانعان العاشقى كۇننەن باستاپ ەلىمىزدە جاستاردى قولداۋعا جانە ولاردىڭ ءوز قابىلەتىن جۇزەگە اسىرۋىنا جاعداي جاساۋعا ەرەكشە نازار اۋدارىلعانىن اتاپ ءوتتى.

تاۋەلسىزدىكتىڭ العاشقى جىلدارىنداعى كۇردەلى ەكونوميكالىق جاعدايعا قاراماستان، ەلباسى، ەلىمىزدىڭ تۇڭعىش پرەزيدەنتى نۇرسۇلتان نازارباەۆ «بولاشاق» حالىقارالىق ستيپەندياسىن تاعايىندادى. سونىڭ ارقاسىندا 14 مىڭنان استام ادام الەمنىڭ ۇزدىك وقۋ ورىندارىندا ءبىلىم الدى.

وتكەن جىلى مەملەكەت باسشىسى قاسىم-جومارت توقاەۆ پارلامەنتكە جانە جەرگىلىكتى وكىلدى ورگاندارعا سايلاۋ پارتيالىق تىزىمدەرىندە جاستارعا كۆوتا بەلگىلەدى. بۇل ولاردىڭ ەلدەگى قوعامدىق-ساياسي پروتسەستەرگە بەلسەندى اتسالىسۋىنا ىقپال ەتەتىن بولادى.

جاستاردىڭ ءومىر ءسۇرۋ دەڭگەيىن جانە الەۋمەتتىك جاي-كۇيىن ارتتىرۋ جونىندەگى ناقتى شارالار 2025 جىلعا دەيىنگى «جاستار – وتانعا!» باعدارلاماسىندا كورسەتىلگەن.

«وزدەرىڭىز بىلەتىندەي، پاندەميانىڭ ءبىرىنشى تولقىنى كەزىندە 5 مىڭ جاسوتاندىق ەلباسى باستاماشىلىق ەتكەن ء«بىز بىرگەمىز!» جالپىۇلتتىق اكتسياسى اياسىندا 320 مىڭ وتباسىعا اتاۋلى كومەك كورسەتتى. «Jas Otan» بەلسەندىلەرى ارىس پەن ماقتاارالدى قالپىنا كەلتىرۋگە دە اتسالىستى. «Jas Otan»-نىڭ قولداۋىمەن قۇرىلعان «Biz Birgemiz!» ۆولونتەرلىك قوزعالىسىنىڭ قاتىسۋشىلارىمەن ماۋسىم ايىندا وتكەن كەزدەسۋ بارىسىندا «Jastar – Otanǵa!» سىيلىعى تاعايىندالعانىن جاريالاعان ەدىك. ءبىز بۇگىن سونى قورىتىندىلايمىز»، دەدى باۋىرجان بايبەك.

ونىڭ ايتۋىنشا، پارتيا جاستاردىڭ باستامالارىن، ونىڭ ىشىندە ۆولونتەرلىكتى كوتەرمەلەي وتىرىپ، ودان ءارى دە جان-جاقتى قولداۋدى جالعاستىرادى.

ەلىمىزدەگى ءار اۋدان، قالا مەن وبلىسقا ارنالعان «جاستار-وتانعا!» باعدارلاماسىن جۇزەگە اسىرۋ اياسىندا جىل باسىنان بەرى ۆولونتەرلىك جۇمىسقا 60 مىڭنان استام جاس تارتىلدى. بىرقاتار وڭىرلەردە جاستاردىڭ تۇرعىن ءۇي باعدارلامالارى قابىلدانىپ، تالاپكەرلەرگە 75 مىڭ گرانت ءبولىندى، ستۋدەنتتەردىڭ شاكىرتاقىسى 2 ەسەگە، ال رەزيدەنتتەر، ماگيسترانتتار مەن دوكتورانتتاردىڭ ستەپەندياسى 1،5 ەسەدەن استامعا كوبەيتىلدى.

پارتيانىڭ جاستارعا ارنالعان سايلاۋالدى ۋادەلەرىنىڭ ورىندالۋىن باقىلاۋدى «Nur Otan» پارتياسىنىڭ ءماجىلىس پەن بارلىق دەڭگەيدەگى ماسليحاتتارداعى 600-دەن استام حالىق قالاۋلىلارىنان تۇراتىن جاس دەپۋتاتتار كورپۋسى جۇزەگە اسىرادى. جاستار ساياساتى سالاسىنداعى وزەكتى ماسەلەلەر پارتيانىڭ رەسپۋبليكالىق جانە وڭىرلىك قوعامدىق كەڭەستەرى الاڭىندا دا قارالۋدا.

پارتيانىڭ ءباسپاسوز قىزمەتى اتاپ وتكەندەي، قازاقستاننىڭ تۇكپىر-تۇكپىرىنەن 16-35 جاس ارالىعىنداعى 230 ادام سىيلىق لاۋرەاتتارى رەتىندە ىرىكتەلىپ الىنعان. ۇزدىكتەردى انىقتاۋ ءۇشىن قۇرىلعان ارنايى كوميسسيانىڭ قۇرامىندا ءماجىلىس دەپۋتاتتارى، قوعام قايراتكەرلەرى، بلوگەرلەر جانە ت.ب. بولدى.

سونىمەن، «ۇزدىك ۆولونتەر» نوميناتسياسىندا ء«بىز بىرگەمىز!» اكتسياسىنا بەلسەندى قاتىسقانى ءۇشىن باتىس قازاقستان وبلىسىنان نۇرسۇلتان قاباەۆ پەن ەۋروپا ەلدەرىندە گرانتتىق نەگىزدە جاستاردى وقىتۋدى ۇيىمداستىرعان شىمكەنتتىك دانارا سارانوۆا ماراپاتتالدى.

«جىلدىڭ جاس قاھارمانى» اتالىمىندا جامبىل وبلىسىنان كەلگەن جاقسىلىق اشىرباەۆ سىيلىققا يە بولدى. ول بيىل تامىز ايىندا اسكەري ءبولىمنىڭ قويماسىنداعى ءورتتى سوندىرۋگە قاتىسىپ، جاراقات العان.

«Jas Otan» جاستار قاناتىنىڭ جىل بەلسەندىسى» نوميناتسياسىندا شىعىس قازاقستان وبلىسىنان اسەم شالقاروۆا، تۇركىستان وبلىسىنان نۇرايىم قۋاندىق جانە اقتوبە وبلىسىنان الىشەر تىنىشتىق ۇزدىك دەپ تانىلدى.

«الەۋمەتتىك جەلىلەردە ۆولونتەرلىكتى ناسيحاتتاعانى ءۇشىن» اتالىمى بويىنشا سىيلىقتى تانىمال بلوگەر جانسەرىك قادىرباەۆ الدى.

قان دونورلىعى بويىنشا ءموبيلدى قوسىمشا – «Donorym» جوباسى ءۇشىن قاراعاندى وبلىسىنان رۋزي شيحوۆ «ۇزدىك ستۋدەنتتىك جوبا» نوميناتسياسىنا يە بولدى.

جىلدىڭ ۇزدىك ۆولونتەرلىك جوبالارى «Love and Pet Atyrau» جانە «Biz Birgemiz» ۆولونتەرلىك قوزعالىسى بولدى.

«Jas Otan» جاستار قاناتىنىڭ ايماقتىق ۇزدىك فيليالى» نوميناتسياسى بويىنشا شىمكەنت جانە نۇر-سۇلتان قالالارىنىڭ فيليالدارى جەڭىمپاز اتاندى.

ز

سوڭعى جاڭالىقتار

ۇقساس جاڭالىقتار