مەرەيلى جىلدى قورىتىندىلاعان ءجيىندى ال-فارابي اتىنداعى قازۇۋ-دىڭ باسقارما توراعاسى-رەكتورى جانسەيىت تۇيمەباەۆ اشىپ, جينالعانداردى تاۋەلسىزدىكتىڭ 30 جىلدىعىمەن قۇتتىقتاپ, قر تۇڭعىش پرەزيدەنتى – ەلباسى نۇرسۇلتان نازارباەۆتىڭ ەگەمەندىك تاريحىنداعى جانە قازاقستاننىڭ قالىپتاسۋىنداعى ەرەن ەڭبەگىن ايرىقشا اتاپ ءوتتى. سونىمەن قاتار, تاۋەلسىزدىك مەرەيتويى اياسىندا جاستاردى وتانسۇيگىشتىككە باۋلۋ, تاريحي قۇندىلىقتاردى قاستەرلەۋ ماقساتىندا ۋنيۆەرسيتەتتە بىرقاتار ءىس-شارالار ۇيىمداستىرىلعانىن جەتكىزدى.
«ۋنيۆەرسيەت اۋماعىندا ەلباسى ساياباعى مەن عالىمدار باعى اشىلىپ, 1000-نان استام كوشەت وتىرعىزىلدى. مەملەكەتىمىزدىڭ دامۋىنا, وتاندىق ءبىلىم مەن عىلىمنىڭ وركەندەۋىنە ەلەۋلى ۇلەس قوسقان تۇلەكتەرىمىزدىڭ, تانىمال تۇلعالارىمىزدىڭ كوشباسشىلىق دارىستەرىن وتكىزۋ – وقۋ ورنىمىزدىڭ اينىماس داستۇرىنە اينالدى. جاقىندا ءبىلىم وشاعىندا تۇركيا رەسپۋبليكاسىنىڭ ەكس-پرەزيدەنتى ابدۋللا گۇلمەن ۇلكەن كەزدەسۋ بولىپ ءوتتى. تۇركىتىلدەس حالىقتارعا ورتاق تۇلعا – جىر الىبى–جامبىل جاباەۆتىڭ 175 جىلدىعىنا وراي ۋنيۆەرسيتەتتە رۋحاني-مادەني شارالار وتكىزىلدى. وتكەن اپتادا عانا تاۋەلسىزدىگىمىزدىڭ 30 جىلدىعى جانە قازاقستان رەسپۋبليكاسىنىڭ تۇڭعىش پرەزيدەنتى كۇنىنە وراي ۇيىمداستىرىلعان «تاۋەلسىزدىك بارىنەن قىمبات» ونكۇندىگى قورىتىندىلاندى. وسى ونكۇندىك اياسىندا وقىتۋشىلار مەن ستۋدەنتتەر شامالعان اۋىلىنداعى تۇڭعىش پرەزيدەنتتىڭ «اتامەكەن» تاريحي-مادەني ورتالىعىندا بولدى»,- دەدى ۋنيۆەرسيتەت باسشىسى.
مەرەكەلىك جيىندا وقىتۋشى-پروفەسسورلار مەن ۇزدىك قىزمەتكەرلەر «ال-فارابي اتىنداعى قازۇۋ-عا سىڭىرگەن ەرەن ەڭبەگى ۇشىن» ۇلكەن التىن جانە كۇمىس مەدالىمەن, «EREN ENBEGI USHIN» مەدالىمەن, قازاقستان حالقى اسسامبلەياسىنىڭ «بىرلىك» التىن مەدالىمەن جانە ءال-فارابي اتىنداعى قازۇۋ باسقارما توراعاسى - رەكتوردىڭ قۇرمەت گراموتاسىمەن ماراپاتتالدى. بيىلعى وقۋ جىلىندا 119 جاڭا بىلىم باعدارلاماسى اشىلدى.
بارلىق قىزمەتكەرلەردىڭ جالاقىسى 2 ەسەگە وستى.
جيىن سوڭىندا قاتىسۋشىلار «مەن قازاقپىن!» پاتريوتتىق ءانى شىرقالىپ, ءو.جولداسبەكوۆ اتىنداعى ستۋدەنتتەر سارايىندا «قازاقستان تاۋەلسىزدىگىنە 30 جىل» فوتو جانە كىتاپ كورمەسى ۇيىمداستىرىلدى.
