اتاپ ايتقاندا وسى جىلى 14 نىساننىڭ قۇرىلىس جۇمىستارى جۇرگىزىلدى. ونىڭ ۇشەۋى جالپى ۇزىندىعى 30 شاقىرىمدى قۇرايتىن ماگيسترالدى سۋ قۇبىرى جانە 11 ەلدىمەكەندە ىشكى ورام جۇيەلەرى.
ناتيجەسىندە 10 ەلدىمەكەن ساپالى اۋىز سۋمەن قامتىلدى. تۇرعىندارعا سۋ بەرۋ جۇمىسى (ابونەنتتەۋ) كەزەڭ-كەزەڭىمەن اتقارىلۋدا.
جالپى قالادا 81 ەلدىمەكەننىڭ 69-ى ساپالى اۋىز سۋمەن قامتاماسىز ەتىلگەن.
تاسىمالداپ ىشەتىن 7 ەلدىمەكەننىڭ بارلىعىندا اۋىز سۋ ماسەلەسى شەشىلدى. ولار: تۇران, اسار-2, سولتۇستىك ساياجاي, ىنتىماق-2, باتىس, جاڭاتۇرلان جانە اقتاس-2 ەلدىمەكەندەرى.
وعان قوسا, كەستە بويىنشا تۇتىنىپ كەلگەن جاڭاتالاپ جانە ساۋلە (276 ورام) تۇرعىندارى دا مەملەكەتتىك ساپالى اۋىز سۋعا قول جەتكىزدى. قالانىڭ جاڭاقۇرىلىس اۋماعىندا ورنالاسقان نۇرتاس ەلدىمەكەنىندەگى اۋىز سۋ جۇيەسى قۇرىلىس جۇمىستارى اياقتالىپ, ەل يگىلىگىنە پايدالانۋعا بەرىلدى.
جىل سوڭىنا دەيىن ءۇشىنشى مەگاپوليستىڭ ساپالى اۋىز سۋمەن قامتىلۋ كورسەتكىشى 95,6%-دان - 98%-عا جەتپەك.
قۇرىلىسى اعىمداعى جىلى باستالعان قۇرساي ەلدىمەكەنى كەلەر جىلى ساپالى اۋىز سۋمەن قامتىلادى.
سايرام, قايناربۇلاق ەلدىمەكەندەرىندە اۋىز سۋمەن قامتۋ بويىنشا قۇرىلىس جۇمىستارى 2022 جىلى جۇرگىزىلەدى.
2023 جىلعا دەيىن قالا تۇرعىندارىن 100% ساپالى اۋىز سۋمەن قامتۋ جوسپارلانعان.
