وعان ءتيىستى ورتالىق مەملەكەتتىك جانە جەرگىلىكتى اتقارۋشى ورگانداردىڭ وكىلدەرى, سونداي-اق مادەنيەت سالاسىنداعى ماماندار قاتىستى.
كەڭەس بارىسىندا كينەماتوگرافيا جانە تەاتر ونەرى سالاسىنداعى بىرقاتار وزەكتى ماسەلەلەر قارالىپ, ولاردى جۇيەلى شەشۋ جولدارى تالقىلاندى.
قازىر قازاقستاندا 65 تەاتر جۇمىس ىستەيدى, ونىڭ 54-ءى مەملەكەتتىك, 11-ءى جەكە مەنشىك تەاتر. تاۋەلسىزدىك جىلدارى ەلىمىزدە 21 مەملەكەتتىك تەاتر اشىلدى, 10 تەاترعا جاڭا عيماراتتار سالىندى. مارتەبەسىن كوتەرۋ ماقساتىندا 3 تەاترعا «ۇلتتىق», 9 تەاترعا – «اكادەميالىق» مارتەبەسى بەرىلدى.
كەڭەس بارىسىندا پرەمەر-ءمينيستردىڭ ورىنباسارى تەاترلاردا كوركەمدىك دەڭگەيى ەشقانداي سىنعا توتەپ بەرە المايتىن قويىلىمدار بار ەكەنىن, ويتكەنى ولاردا تاريحي وقيعالاردى بۇرمالاۋ فاكتىلەرى كەزدەسەتىنىن اتاپ ءوتتى. بۇل رەتتە ول كوركەمدىك كەڭەستەردىڭ ماقۇلداۋىنسىز قويىلىمداردىڭ ىسكە اسىرىلۋىنا جول بەرمەۋ, سونداي-اق ولاردىڭ قۇرامىنا تاريح سالاسىنداعى مامانداردى ەنگىزۋ قاجەتتىگىن اتاپ ءوتتى.
سونىمەن بىرگە, ەرالى توعجانوۆ تەاتر سىنشىلارى ينستيتۋتىن دامىتۋدىڭ ماڭىزدىلىعىن اتاپ ءوتىپ, ولارعا قولداۋ كورسەتۋدى تاپسىردى.
ۇكىمەت باسشىسىنىڭ ورىنباسارى كينەماتوگرافيا سالاسىنداعى بىرقاتار ماسەلەگە دە نازار اۋداردى. قازىرگى ۋاقىتتا رەسپۋبليكادا 110 كينوتەاتر ءوز قىزمەتىن جۇزەگە اسىرادى, ونىڭ 29-ى مەملەكەتتىك مەنشىكتە. 1991 جىلدان باستاپ «قازاقفيلم» كينوستۋدياسى 600-دەن استام فيلم ءتۇسىردى. الايدا, ەڭبەكسۇيگىشتىكتى, ازاماتتىق جاۋاپكەرشىلىكتى, ءپاتريوتيزمدى, سپورتتى ناسيحاتتايتىن سۋرەتتەر جەتكىلىكسىز.
ەرالى توعجانوۆ كينو جانە تەاتر سالاسىندا جۇيەلى قۇندىلىقتار اياسىندا تاقىرىپتى انىقتاۋدى ۇسىندى.
كەڭەس قورىتىندىسى بويىنشا پرەمەر-ءمينيستردىڭ ورىنباسارى مادەنيەت جانە سپورت مينيسترلىگى مەن وڭىرلەر اكىمدىكتەرىنە كينەماتوگرافيا جانە تەاتر ونەرى سالالارىن دامىتۋ بويىنشا جۇيەلى شارالار قابىلداۋ تۋرالى بىرقاتار ناقتى تاپسىرمالار بەردى.
