ءبىرىنشى كەزەڭدە كوماندالار ءبىر-ءبىرىنىڭ قاقپاسىنا كوبىرەك شابۋىلداعانمەن, قارسىلاس كوماندالار قاقپادان ساڭىلاۋ تابا المادى.
ەكىنشى كەزەڭدە رەسەيلىك كوماندا ساپىنان ميحايل سيدوروۆ 37-مينۋتتا كوزدەگەن نىسانادان ءمۇلت كەتكەن جوق. ودان كەيىن الەكساندر سەۆوستيانوۆ 47-مينۋتتا «نەفتەحيميكتىڭ» باسىمدىعىن ارتتىرا ءتۇستى.
ال 50-مينۋتتا «بارىس» حوككەيشىسى ياكوب بەرگلۋند مەرگەندىك تانىتتى. بۇدان كەيىن قازاقستاندىق كلۋب تارازى باسىن تەڭەستىرۋگە ۇمتىلدى. سوڭعى مينۋتتاردا «بارىس» قاقپاشىنى التىنشى ويىنشىعا الماستىردى. بوس قاقپاعا رەسەيلىك حوككەيشىلەر گول سوعىپ كەتتى. وسىلايشا ەلوردالىق كلۋب قارسىلاسىنا 1:3 ەسەبىمەن ەسە جىبەردى.
«بارىس» ەندى كەلەسى ويىنىن 21 جەلتوقساندا رەسەيدىڭ ەكاتەرينبۋر قالاسىندا «اۆتوموبيليست» كومانداسىنا قارسى وتكىزەدى.
