سپورتتىق كەزدەسۋدى №3 قالالىق ەمحانانىڭ «جاس تولقىن» جاستار دەنساۋلىق ورتالىعى مەن نۇر-سۇلتان قالاسى اكىمدىگىنىڭ كاسىپتىك–تەحنيكالىق كوللەدجى كمم بىرلەسىپ ۇيىمداستىردى.
شاقىرىلعان قوناقتار اراسىندا قازاقستاندىق سپورتشىلار وداعىنىڭ توراعاسى ازامات قارلىعاشەۆ, ەركىن كۇرەستەن قر ەڭبەك سىڭىرگەن سپورت شەبەرى گۋزەل مانيۋروۆا, اۋىر اتلەتيكادان قر ەڭبەك سىڭىرگەن سپورت شەبەرى سۆەتلانا پودوبەدوۆا, كوركەم گيمناستيكادان 2011 جىلعى ازيا چەمپيونى اننا اليابەۆا, ەكى قول كۇرەسى بويىنشا قازاقستان چەمپيونى ايتىم جاقىپوۆ بولدى. ونىڭ ىشىندە بەلگىلى سپورتشىلار داۋرەن ەلەۋسىنوۆ, قانات ءابۋتالىپوۆ جانە سەرگەي تسىرۋلنيكوۆ تە بار.
جاتتىعۋدان كەيىن ستۋدەنتتەر 5 كومانداعا ءبولىنىپ, «كوڭىلدى» ستارتتارعا قاتىستى.
تورەشىلەر قورىتىندى شىعارىپ جاتقاندا, ەستافەتاعا قاتىسۋشىلار مەن كورەرمەندەر اراسىندا بي جارىسى ءوتتى.
