«الماتى – تاۋەلسىزدىكتىڭ التىن بەسىگى» اتتى سالتاناتتى شاراعا قر پارلامەنتى سەناتىنىڭ توراعاسى ماۋلەن اشىمباەۆ پەن الماتى قالاسىنىڭ اكىمى باقىتجان ساعىنتاەۆ قاتىستى. م. اشىمباەۆ پەن ب. ساعىنتاەۆ ەل مەن قالانىڭ دامۋىنا ەرەكشە ۇلەس قوسقان الماتىلىقتارعا پرەزيدەنتتىڭ اتىنان مەملەكەتتىك ناگرادالاردى تاپسىردى.
قازاقستان جازۋشىلار وداعىنىڭ توراعاسى ۇلىقبەك ەسداۋلەت ءىىى دارەجەلى «بارىس» وردەنىمەن, ەڭبەك ارداگەرى ق. بايكەنوۆ پەن الماتى قالاسى بويىنشا سەبد باسشىسى ج. بەكشين «پاراسات» وردەنىمەن ماراپاتالدى. ءى دارەجەلى «دوستىق» وردەنى «كيمەپ» ۋنيۆەرسيتەتىنىڭ رەكتورى چ.ي. بەنگكە تاپسىرىلدى.
مەملەكەتتىك ناگرادالارمەن عىلىم مەن ءبىلىم, مادەنيەت جانە دەنساۋلىق ساقتاۋ قايراتكەرلەرى, مەملەكەتتىك قىزمەتكەرلەر مەن قالانىڭ تىنىس-تىرشىلىگىن قامتاماسىز ەتەتىن قۇرىلىس كومپانيالارى مەن ۇيىمدارىنىڭ قىزمەتكەرلەرى ماراپاتتالدى. قالا اكىمى باقىتجان ساعىنتاەۆ تاريحي تۇرعىدان تاۋەلسىزدىكتىڭ بەسىگىنە اينالعان مەگاپوليستىڭ ەرەكشە ءرولىن اتاپ ءوتتى.
«الماتىدا ەل ءۇشىن ماڭىزدى شەشىمدەر قابىلداندى, كونستيتۋتسيا, مەملەكەتتىك رامىزدەر قابىلداندى, قارۋلى كۇشتەر قۇرىلدى, ۇلتتىق ۆاليۋتا ەنگىزىلدى. تۇڭعىش پرەزيدەنت سايلاۋىنىڭ جالپىحالىقتىق ناتيجەلەرى دە الماتىدا جاريالاندى. 1998 جىلى تۇڭعىش پرەزيدەنت «الماتىنىڭ ەرەكشە مارتەبەسى تۋرالى» زاڭعا قول قويدى», دەدى باقىتجان ساعىنتاەۆ.
قالا اكىمى الماتىلىقتاردىڭ, اسىرەسە اعا بۋىننىڭ مەگاپوليستى دامىتۋعا قوسقان ۇلەسىن تىلگە تيەك ەتتى. «قازاقستان تاۋەلسىزدىگىنىڭ 30 جىلدىق مەرەيتويى – ءبىزدىڭ ارقايسىمىز ءۇشىن ماڭىزدى وقيعا. وسى جىلدار ىشىندە ۇلتتىق رۋح نىعايدى, ۇرپاقتار ساباقتاستىعى دامىدى, قازىرگى تاريح پايدا بولدى. بۇگىن ءبىز «ماڭگىلىك ەل» جالپىۇلتتىق بىرلىك, بەيبىتشىلىك پەن كەلىسىم يدەياسىن ۇستانا وتىرىپ, مەملەكەت قۇرىپ جاتىرمىز. ءبىز تاۋەلسىزدىكتى ارمانداعان اتا-بابالارىمىز سالعان جولمەن كەلەمىز», دەدى ول.
سەنات توراعاسى ماۋلەن اشىمباەۆ تۇڭعىش پرەزيدەنت – ەلباسى نۇرسۇلتان نازارباەۆتىڭ ساياساتىنىڭ ارقاسىندا ەلىمىز حالىقارالىق قوعامداستىقتىڭ تولىققاندى جانە ىقپالدى مۇشەسىنە اينالعانىن, جاڭا استانا سالىنعانىن, ەلىمىزدىڭ وڭىرلەرى دە قارقىندى دامىعانىن اتاپ ءوتتى.
«تاۋەلسىزدىك جىلدارىندا الماتى دامۋعا ايتارلىقتاي سەرپىن الدى. بۇگىندە بۇل تەك قازاقستاننىڭ عانا ەمەس, بۇكىل پوستسوۆەتتىك كەڭىستىكتىڭ ەڭ سەرپىندى دامىپ كەلە جاتقان جانە ەكونوميكالىق قۋاتتى قالالارىنىڭ ءبىرى. ەلىمىزدەگى ءاربىر بەسىنشى كاسىپكەر الماتىدا جۇمىس ىستەيدى», دەدى ماۋلەن اشىمباەۆ.
سپيكەردىڭ ايتۋىنشا, الماتىدا ساپالى ادامي كاپيتال شوعىرلانعان.
«مۇندا بولاشاق ەكونوميكاسىنىڭ «جاڭعىرتۋ وزەگى»: كرەاتيۆتى تاپ پەن بەلسەندى ازاماتتىق قوعام قالىپتاستى. مەگاپوليسكە ەلىمىزدىڭ ءار وڭىرىنەن تالانتتار اعىلىپ كەلىپ جاتىر. الماتى – عىلىمي-زەرتتەۋ جانە تاجىريبەلىك-كونسترۋكتورلىق جۇمىستارعا ينۆەستيتسيالار بويىنشا كوشباسشى. مەملەكەت باسشىسى اتاپ وتكەندەي, الماتىنىڭ كرەاتيۆتى ەكونوميكانى دامىتۋ جونىندەگى تاجىريبەسىن بۇكىل ەلگە تاراتۋ قاجەت», دەدى ماۋلەن اشىمباەۆ.
