قالانىڭ باس سانيتار دارىگەرىنىڭ مالىمەتىنشە, الماتىدا ەپيدەميولوگيالىق جاعداي تۇراقتالىپ, قالا «جاسىل» ايماقتا ورنالاسقان.
«بۇل ۆاكتسينا الۋدىڭ ناتيجەسى. وعان قوسا قالادا شەكتەۋ شارالارى ەنگىزىلدى, بۇل دا ۆاكتسيناتسياعا ۇلكەن كومەك بەردى. قالا تۇرعىندارىنىڭ 50 پايىزى ۆاكتسينا الدى, ءبىزدىڭ ماقساتىمىز ونى 80%-عا دەيىن جەتكىزۋ. قالاداعى ۇجىمدىق يممۋنيتەت 57,3%», دەدى جانداربەك بەكشين.
بەكشين سونىمەن قاتار الەمدى كوروناۆيرۋستىڭ وميكرون نۇسقاسى الاڭداتىپ وتىرعانىن, ونىڭ پوتوگەندىگى دەلتا شتامىمەن سالىستىرعاندا 3 ەسە جوعارى ەكەنىن اتاپ ءوتتى.
«ول اقش, ەۋروپا جانە كورشى رەسەيدە انىقتالدى. شەكتەۋ شارالارىمەن ونىڭ ەلگە كىرۋىنە توسقاۋىل بولا المايمىز, دەگەنمەن جاپپاي ۆاكتسينا الۋ ارقىلى ونىڭ تارالۋىن توقتاتا الامىز. ۆاكتسينانىڭ ەكى كومپونەنتىن العاندار اراسىندا ۆيرۋستى جۇقتىرۋ تومەن جانە ول جەڭىل وتەدى», دەدى ول.
سونداي-اق ول وميكرون شتامى انىقتالعان ەلدەن كەلگەن جولاۋشىلار 7 كۇن ۇيدە وقشاۋلاناتىنىن جەتكىزدى.
