«بيىلعى 11 ايدا ەكونوميكالىق قىلمىستاردان مەملەكەتكە كەلتىرىلگەن جالپى شىعىننىڭ كولەمى 4,5 ملرد تەڭگەدەن اسىپ وتىر. ونىڭ 3,6 ملرد تەڭگەدەن استامى مەملەكەتكە قايتارىلدى. جىل باسىنان بەرى اتىراۋ وبلىسىندا قارجى پيراميداسىنا قاتىستى 2 دەرەك انىقتالدى. بۇل ءىستىڭ ماتەريالدارى ودان ءارى تەرگەۋ ءۇشىن باسقا وڭىرلەرگە بەرىلدى. سونداي-اق, بيىل مۇناي مەن مۇناي ونىمدەرىنىڭ زاڭسىز اينالىمىنىڭ جولى كەسىلدى. ماسەلەن, جىلىوي اۋدانىنداعى كەن ورىندارىنىڭ بىرىنەن 913 توننا مۇناي ونىمدەرىن ءتيىستى قۇجاتتارسىز زاڭسىز تاسىمالداۋ دەرەگى انىقتالدى. وسى ىسكە قاتىسى بار ادامدار سوت ۇكىمىمەن سوتتالدى», دەيدى بەكبولات انەسوۆ.
سونداي-اق, جالعان شوت-فاكتۋرالاردى قولدانۋ, كاپيتالدى شەتەلگە زاڭسىز شىعارۋعا بايلانىستى انىقتالعان قىلمىستار تۋرالى ايتىلدى. كاپيتالدى شەتەلگە شىعارۋ – ەكونوميكالىق قىلمىستاردى انىقتاۋ جانە ونىڭ جولىن كەسۋ تاجىريبەسىندە سيرەك كەزدەسەتىن جايت. ناقتىلاي ايتقاندا, اتىراۋدان قىتاي حالىق رەسپۋبليكاسىنا 2,9 ملن-نان استام اقش دوللارىن (1 ملرد 200 ملن تەڭگەدەن استام) شىعارعان جشس ديرەكتورى سوتتالدى.
