«Nur Otan» پارتياسىنىڭ ءباسپاسوز قىزمەتى «تاريحتا وسى كۇنى» ايدارىمەن الەۋمەتتىك جەلىلەردە حالىق سايلاعان ەلدىڭ تۇڭعىش پرەزيدەنتى نۇرسۇلتان نازارباەۆ انت بەرگەن تاريحي داتا – 1991 جىلعى 10 جەلتوقسان كۇنىنە ارنالعان بەينەروليك جاريالادى.
وسىدان تۋرا 30 جىل بۇرىن ءدال وسى كۇنى قازاق كسر-ءنىڭ اتاۋىن قازاقستان رەسپۋبليكاسى دەپ وزگەرتۋ تۋرالى شەشىم قابىلداندى.
«تاۋەلسىزدىك العاننان كەيىن ەلىمىزدىڭ مەملەكەتتىك شەكارالارى ناقتى بەلگىلەندى. قوعامدا بەيبىتشىلىك پەن كەلىسىمنىڭ بىرەگەي ۇلگىسى – قازاقستان حالقى اسسامبلەياسى قۇرىلدى. قازاقستان قۋاتى جاعىنان الەمدەگى ءتورتىنشى يادرولىق ارسەنالدان باس تارتتى», دەلىنگەن بەينەروليكتە.
كەدەيلىك دەڭگەيى 10 ەسە, ياعني 46,7-دەن 4,6%-كە دەيىن قىسقاردى. $400 ميلليارد تىكەلەي ينۆەستيتسيا تارتىلدى. بۇل – ورتالىق ازيا ەلدەرىنە كەلەتىن بارلىق ينۆەستيتسيا اعىمىنىڭ 75%-تەن استامى.
«170 ميلليون شارشى مەتر تۇرعىن ءۇي پايدالانۋعا بەرىلدى. 30 مىڭ شاقىرىم جول سالىنىپ, قايتا جاڭارتىلدى. 1400 جاڭا دەنساۋلىق ساقتاۋ نىسانى, 1800-دەن استام جاڭا مەكتەپ پەن 900 بالاباقشا اشىلدى», دەپ اتاپ ءوتتى پارتيانىڭ ءباسپاسوز قىزمەتى, قازاقستان حالقىن كەلە جاتقان تاۋەلسىزدىك كۇنىمەن قۇتتىقتاي وتىرىپ.
