ااك ارميا اۆياتسياسىنىڭ باستىعى پولكوۆنيك نۇرلان بايدۋللاەۆ, اۆياتسيا بازاسىنىڭ كومانديرى پولكوۆنيك ماقسۇتبەك ادىلباەۆ مي-171ش تىكۇشاعىمەن ەلوردا اسپانىندا قازاقستاننىڭ مەملەكەتتىك تۋىن قالىقتاتىپ الىپ ۇشتى.
بۇل ءراسىمدى ورىنداۋ بارىسىندا ولارمەن تاجىريبەلى ۇشقىشتار مەن شتۋرماندار باسقارعان مي-17 بۇرامالى قاناتتى تىكۇشاقتار ۇشتى.
اكتسياعا قاتىسۋعا ارنايى ىرىكتەلگەندەر قاتارىندا اسكەري پارادتاردىڭ, «كADEX» قارۋ-جاراق پەن اسكەري-تەحنيكالىق م ۇلىك حالىقارالىق كورمەسىنە قاتىسقان اسكەري ۇشقىشتار بولدى.
«تۋ – ءار مەملەكەتتىڭ باستى سيمۆولدارىنىڭ ءبىرى, ەلدىڭ ەگەمەندىگى مەن بىرتۇتاستىعىنىڭ بەلگىسى. قازاقستان حالقى ءۇشىن ماڭىزدى كۇندى مەرەكەلەۋ قارساڭىندا وقۋ-جاتتىعۋ ۇشۋلارىن ورىنداۋ ارقىلى اكتسياعا قاتىسۋدى ءجون كوردىك», دەدى اسكەري-اۋە كۇشتەرىنىڭ قولباسشىسى پولكوۆنيك نۇربولات توپاەۆ.
