وتىرىس «ZOOM» ارقىلى ونلاين-فورماتتا ءوتتى.
دارحان مىڭبايدىڭ توراعالىعىمەن جانە اقپارات جانە قوعامدىق دامۋ ءمينيسترى ايدا بالاەۆانىڭ قاتىسۋىمەن وتكەن وتىرىستىڭ كۇن ءتارتىبى «ۇلتتىق رۋحاني جاڭعىرۋ» ۇلتتىق جوباسىنىڭ, سونداي-اق قازاقستان تاۋەلسىزدىگىنىڭ 30 جىلدىعىن مەرەكەلەۋ اياسىنداعى ءىس-شارالار جوسپارىنىڭ سۇراقتارىنا ارنالدى.
«رۋحاني جاڭعىرۋ» باعدارلاماسىن ۇيلەستىرۋ دەپارتامەنتىنىڭ ديرەكتورى ۋ. تناليەۆ 21 كورسەتكىش پەن 66 ءىرى ءىس-شارانى قامتيتىن «ۇلتتىق رۋحاني جاڭعىرۋ» ۇلتتىق جوباسىنىڭ نەگىزگى ءۇش باعىتىن ىسكە اسىرۋ بارىسى تۋرالى باياندادى.
ءوز كەزەگىندە, ازاماتتىق قوعام ىستەرى كوميتەتىنىڭ توراعاسى م. قوجاحمەت قازاقستان تاۋەلسىزدىگىنىڭ 30 جىلدىعىن مەرەكەلەۋگە جوسپارلانعان 101 ءىس-شارانىڭ 75-ءىن ىسكە اسىرالعانى تۋرالى حاباردار ەتتى.
«قالعان ءىس-شارالار رەسپۋبليكالىق جوسپارعا سايكەس بەلگىلەنگەن مەرزىمدە جەلتوقسان ايىنىڭ سوڭىنا دەيىن جۇزەگە اسىرىلاتىن بولادى», دەدى م. قوجاحمەت.
قوعامدىق كەڭەس مۇشەلەرى مينيستر ا.بالاەۆانىڭ 2022 جىلى ازاماتتىق قوعام وكىلدەرىنىڭ قاتىسۋىمەن قوعامدىق كەڭەستەردىڭ تاقىرىپتىق اپتالىعىن وتكىزۋ جونىندەگى يدەياسىن قولدادى.
دارحان مىڭباي بۇل يدەيانىڭ وزەكتىلىگىن ەرەكشە اتاپ ءوتتى. ول اقپارات جانە قوعامدىق دامۋ مينيسترلىگى قوعامدىق كەڭەستەردىڭ قىزمەتى جونىندەگى ۋاكىلەتتى ورتالىق مەملەكەتتىك ورگان ەكەندىگىن ايتتى.
ا.بالاەۆانىڭ ايتۋىنشا, بۇل شارا ازاماتتىق قوعامنىڭ ماڭىزدى ينستيتۋتىنىڭ الدىن-الا قورىتىندىلارىن شىعارۋ ءۇشىن دە, سونداي-اق ولاردىڭ قازاقستانداعى قىزمەتىن ودان ءارى جەتىلدىرۋ بويىنشا تاسىلدەردى ازىرلەۋ ءۇشىن دە وزەكتى.
وتىرىس قورىتىندىسى بويىنشا قوعامدىق كەڭەس مۇشەلەرى ۆەدومستۆونىڭ جۇرگىزىپ وتىرعان جۇمىسىندا ەسكەرىلەتىن ۇسىنىمدار ازىرلەدى.
قوعامدىق كەڭەستىڭ كەزەكتى وتىرىسىن 2022 جىلدىڭ I توقسانىندا وتكىزۋ جوسپارلانىپ وتىر.
