قازاقستان • 09 جەلتوقسان، 2021

قازاقستان مەن مەكسيكانىڭ ىنتىماقتاستىعى نىعايادى

62 رەت كورسەتىلدى

قازاقستان مەن مەكسيكا اراسىندا بەينەكونفەرەنتسيا رەجيمىندە ساياسي كونسۋلتاتسيالار وتكىزىلدى، دەپ حابارلايدى Egemen.kz قر ءسىم ءباسپاسوز قىزمەتىنە سىلتەمە جاساپ.

ءىس-شاراعا قر سىرتقى ىستەر مينيسترلىگى امەريكا دەپارتامەنتىنىڭ ديرەكتورى نۇرعالي ارىستانوۆ پەن مەكسيكا سىرتقى ىستەر مينيسترلىگى افريكا، ورتالىق ازيا جانە تاياۋ شىعىس دەپارتامەنتىنىڭ باس ديرەكتورى امپارو ەرەنديرا انگيانو رودريگەس قاتىستى.

تاراپتار ەكى ەل اراسىنداعى قارىم-قاتىناستاردىڭ كۇن ءتارتىبىن، ونىڭ ىشىندە ساياسي، ساۋدا-ەكونوميكالىق جانە مادەني-گۋمانيتارلىق ىنتىماقتاستىقتى، شارت-قۇقىقتىق بازانى كەڭەيتۋ ماسەلەلەرىن ورتاعا سالدى.

«مەكسيكا - قازاقستاننىڭ لاتىن امەريكاداعى ەڭ ءىرى سەرىكتەستەرىنىڭ ءبىرى. ءبىز مەكسيكامەن ورناتىلعان سەرىكتەستىكتى دوستىق، ءوزارا قۇرمەت جانە سەنىم رۋحىندا ودان ءارى تەرەڭدەتۋگە نيەتتىمىز»، دەدى نۇرعالي ارىستانوۆ ءوز سوزىندە.

بيىل ەكى ەل اراسىنداعى تاۋار اينالىمى جوعارى ديناميكانى كورسەتىپ، 2020 جىلعى كورسەتكىشتەرمەن سالىستىرعاندا ەكى ەسەگە وسكەن.

بەينەكونفەرەنتسيا قورىتىندىسى بويىنشا قوس تاراپ جەمىستى ىنتىماقتاستىقتى ودان ءارى جالعاستىرۋ باعىتىندا جۇمىس ىستەيتىندەرىن ايتتى.

1

سوڭعى جاڭالىقتار

ۇقساس جاڭالىقتار