«مەملەكەتتىك بيۋدجەتتىڭ شىعىستارى - 97,5, رەسپۋبليكالىق بيۋدجەتتىڭ شىعىستارى - 99,4, جەرگىلىكتى بيۋدجەتتەردىڭ شىعىستارى 95,8 پايىزعا اتقارىلدى. رەسپۋبليكالىق بيۋدجەت بويىنشا شىعىستار 13 ترلن تەڭگەنى قۇرادى. اتقارىلماۋ - 81 ملرد تەڭگە, ونىڭ ىشىندە 15 ملرد تەڭگە - ۇنەمدەۋ. يگەرىلمەگەنى - 66 ملرد تەڭگە. يگەرىلمەۋدىڭ نەعۇرلىم ءىرى سومالارى مادەنيەت جانە سپورت, تسيفرلىق دامۋ, يننوۆاتسيالار جانە اەروعارىش ونەركاسىبى, يندۋستريا جانە ينفراقۇرىلىمدىق دامۋ, اۋىل شارۋاشىلىعى جانە ىشكi iستەر مينيسترلىكتەرىندە قالىپتاستى», دەدى مينيستر.
ءمينيستردىڭ مالىمەتىنشە, ناقتى كورسەتىلگەن قىزمەتتەر كولەمى ءۇشىن اقى تولەۋ, ورىندالعان جۇمىستار اكتىلەرىن, شوت-فاكتۋرالاردى ۋاقتىلى ۇسىنباۋ, كونكۋرستىق راسىمدەردى ۇزاق وتكىزۋ, قارجىلاندىرۋ جوسپارلارىنا وزگەرىستەر ەنگىزۋ قاجەتتىلىگى - بيۋدجەت قاراجاتى يگەرىلمەۋىنىڭ نەگىزگى سەبەپتەرى بولىپ وتىر.
«جەرگىلىكتى بيۋدجەتتەردىڭ شىعىستارى 8 ترلن تەڭگەنى قۇرادى. 327 ملرد تەڭگەگە اتقارىلماعان. وسى جىلى وڭىرلەرگە 2,5 ترلن تەڭگە سوماسىندا نىسانالى ترانسفەرتتەر كوزدەلگەن. 1 قاراشاعا ولارعا 2 ترلن 157 ملرد تەڭگە بولىنگەن. ونىڭ 94,2 پايىزى يگەرىلدى. اتقارىلماعانى – 124 ملرد تەڭگە, ونىڭ ىشىندە ۇنەمدەلگەنى – 21 ملرد تەڭگە. يگەرىلمەگەن ەڭ ۇلكەن سوما نۇر-سۇلتان قالاسىندا, الماتى, باتىس قازاقستان, تۇركىستان وبلىستارىندا جانە الماتى قالاسىندا قالىپتاستى», دەدى ەرۇلان جاماۋباەۆ.
