اقتاۋ قالاسىندا سوڭعى جىلدارى قاتارعا قوسىلعان قالامەن اتتاس ءىرى ساۋدا ورتالىعى – ويىن-ساۋىق كەشەنىندە كولەمدى اكتسيا ءوتتى. قازاقستان حالقى اسسامبلەياسىنىڭ باستاماسىمەن وتانىمىزدىڭ تۇكپىر-تۇكپىرىنەن جالعاسىن تاۋىپ كەلە جاتقان اكتسيا اقتوبە وبلىسىنان سوڭ ونىنشى بولىپ ماڭعىستاۋ تورىندە جالعاسىن تاپتى. ۇل-قىزى, كارى-جاسى, قازاعى مەن قازاق ەمەسى بار 3 مىڭنان استام ادام جيىلعان شارانىڭ ءمانى – مەملەكەت باسشىسى ن.نازارباەۆتىڭ بيىلعى جولداۋىندا ايتىلعان «ماڭگىلىك ەل» يدەياسىنا ءۇن قوسىپ, قولداۋ كورسەتۋ بولدى.
«ماڭگىلىك ەل» پاتريوتتىق اكتسياسى مەملەكەتتىك تۋ مەن «ماڭگىلىك ەل» جالاۋىن جەلبىرەتە قالا كوشەلەرىن ارالاعان كولىكتەر شەرۋىمەن باستالىپ, «اقتاۋ» ساۋدا ۇيىنە اتباسىن تىرەدى.
– الەمنىڭ دامىعان 30 ەلىنىڭ قاتارىنان ءوز ورنىمىزدى العان, دامىعان, ءوسىپ, وركەندەگەن قازاقستاندا ءومىر ءسۇرۋ ءاربىر قازاقستاندىقتىڭ ارمانى. كەشەگى بابالاردىڭ اڭسارى, ەرتەڭگى ۇرپاقتىڭ تاعدىرى. ءبىزدىڭ بىرلىگىمىز بەكەم, تاتۋ, بەرەكەلى بولساق, ماڭگىلىك ەل بولۋ مۇمكىندىگىمىز زور. بۇل ءۇشىن وسى بيىك ماقساتقا جەتۋگە ۇمتىلۋىمىز كەرەك. «ماڭگىلىك ەل» يدەياسى ءبىزدى قايسارلىققا, تاباندىلىققا, ەل نامىسىن قورعاۋعا جەتەلەيدى. ەگەر ءبىزدىڭ ارقايسىمىز بۇل يدەيانى جەتە سەزىنە بىلسەك, ونى ومىرلىك ساباق ەتىپ تۇيسەك, وندا ناعىز «ماڭگىلىك ەل» بولعانىمىز, – دەدى شارانى سالتاناتتى جاعدايدا اشقان ماڭعىستاۋ وبلىسى اكىمىنىڭ ءبىرىنشى ورىنباسارى س.الداشەۆ.
اكتسيا ماقساتىنا مانەرلەپ سىرعاناۋشىلار مۇز ايدىنىندا ونەر كورسەتۋمەن قولداۋ بىلدىرسە, جۋىردا الماتىداعى رەسپۋبليكالىق بايقاۋدان ءجۇلدەمەن ورالعان جاس حوككەيشىلەرگە مەدالدار تابىستالدى. ال ونەرلى جاستار تۋعان جەر تاقىرىبىنداعى اندەردى شىرقادى. ەتنومادەني بىرلەستىكتەر مەن ۇكىمەتتىك ەمەس ۇيىمدار وكىلدەرى, مەملەكەتتىك ورگاندار باسشىلارى, جوعارى جانە كاسىپتىك-تەحنيكالىق وقۋ ورىندارىنىڭ وقىتۋشىلارى مەن ستۋدەنتتەرى, وكىلدەرى, ارداگەرلەر مەن جاستار قاتىسىپ, ءتورت قاباتتى ساۋدا ءۇيىنىڭ ءاربىر قاباتىنان جۇزدەگەن كورەرمەن تاماشالاعان اكتسيادا «ۆايناح» چەشەن-ينگۋش ەتنومادەني بىرلەستىگىنىڭ وكىلى م.لورسانوۆ, ءانشى ت. اسار ءسوز الىپ, تاۋەلسىز قازاقستان, «مىڭ ءولىپ, مىڭ تىرىلگەن» قازاق ەلى ءۇشىن «ماڭگىلىك ەل» يدەياسىنىڭ ءمان-ماڭىزى قانشالىقتى ەكەندىگىن سالماقتى دا ويلى سوزدەرىمەن جاستار قۇلاعىنا قۇيىپ, جۇرەكتەرىنە جەتكىزە ءتۇستى. ال جاستار بولسا, ولارعا جاۋاپ رەتىندە ەلباسى يدەياسىن قولدايتىندىقتارىن ءبىلدىردى. وزگە ۇلت وكىلدەرى مەن «نۇر وتان» پارتياسىنىڭ وكىلدەرى, مۇنايشىلار مەن جاستار وكىلدەرى «تىلەك كىتابىنا» اق تىلەگى ورىلگەن ءوز قولتاڭبالارىن قالدىردى. اكتسيا ماڭعىستاۋدان سوڭ ورال وڭىرىنە سالتاناتتى شەرۋ تارتتى.
بىرلىك پەن تىرلىك تەك دىبىستىق قۇرىلىمى جاعىنان ۇيقاس, تاڭبالانۋى جاعىنان ۇقساس سوزدەر عانا ەمەس, ولار ءبىرىن-ءبىرى ءىس-ارەكەت ۇدەسىندە تولىقتىرىپ, بەرەكەنىڭ, بەرىكتىكتىڭ, باياندىلىقتىڭ ۇيىتقىسى بولار اتاۋلار. الىپ ارمانى بار ەلدىڭ باسىنان باعى, ءتورىنەن بەرەكەسى, جەرىنەن بازارى تارقاماي, تىرلىگىنە بىرلىگى جاراسا بەرسە دەدىك.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى.
سۋرەتتى تۇسىرگەن
سەرىك مايەمەروۆ.
«ماڭگىلىك ەل» پاتريوتتىق اكتسياسى مەملەكەتتىك تۋ مەن «ماڭگىلىك ەل» جالاۋىن جەلبىرەتە قالا كوشەلەرىن ارالاعان كولىكتەر شەرۋىمەن باستالىپ, «اقتاۋ» ساۋدا ۇيىنە اتباسىن تىرەدى.
– الەمنىڭ دامىعان 30 ەلىنىڭ قاتارىنان ءوز ورنىمىزدى العان, دامىعان, ءوسىپ, وركەندەگەن قازاقستاندا ءومىر ءسۇرۋ ءاربىر قازاقستاندىقتىڭ ارمانى. كەشەگى بابالاردىڭ اڭسارى, ەرتەڭگى ۇرپاقتىڭ تاعدىرى. ءبىزدىڭ بىرلىگىمىز بەكەم, تاتۋ, بەرەكەلى بولساق, ماڭگىلىك ەل بولۋ مۇمكىندىگىمىز زور. بۇل ءۇشىن وسى بيىك ماقساتقا جەتۋگە ۇمتىلۋىمىز كەرەك. «ماڭگىلىك ەل» يدەياسى ءبىزدى قايسارلىققا, تاباندىلىققا, ەل نامىسىن قورعاۋعا جەتەلەيدى. ەگەر ءبىزدىڭ ارقايسىمىز بۇل يدەيانى جەتە سەزىنە بىلسەك, ونى ومىرلىك ساباق ەتىپ تۇيسەك, وندا ناعىز «ماڭگىلىك ەل» بولعانىمىز, – دەدى شارانى سالتاناتتى جاعدايدا اشقان ماڭعىستاۋ وبلىسى اكىمىنىڭ ءبىرىنشى ورىنباسارى س.الداشەۆ.
اكتسيا ماقساتىنا مانەرلەپ سىرعاناۋشىلار مۇز ايدىنىندا ونەر كورسەتۋمەن قولداۋ بىلدىرسە, جۋىردا الماتىداعى رەسپۋبليكالىق بايقاۋدان ءجۇلدەمەن ورالعان جاس حوككەيشىلەرگە مەدالدار تابىستالدى. ال ونەرلى جاستار تۋعان جەر تاقىرىبىنداعى اندەردى شىرقادى. ەتنومادەني بىرلەستىكتەر مەن ۇكىمەتتىك ەمەس ۇيىمدار وكىلدەرى, مەملەكەتتىك ورگاندار باسشىلارى, جوعارى جانە كاسىپتىك-تەحنيكالىق وقۋ ورىندارىنىڭ وقىتۋشىلارى مەن ستۋدەنتتەرى, وكىلدەرى, ارداگەرلەر مەن جاستار قاتىسىپ, ءتورت قاباتتى ساۋدا ءۇيىنىڭ ءاربىر قاباتىنان جۇزدەگەن كورەرمەن تاماشالاعان اكتسيادا «ۆايناح» چەشەن-ينگۋش ەتنومادەني بىرلەستىگىنىڭ وكىلى م.لورسانوۆ, ءانشى ت. اسار ءسوز الىپ, تاۋەلسىز قازاقستان, «مىڭ ءولىپ, مىڭ تىرىلگەن» قازاق ەلى ءۇشىن «ماڭگىلىك ەل» يدەياسىنىڭ ءمان-ماڭىزى قانشالىقتى ەكەندىگىن سالماقتى دا ويلى سوزدەرىمەن جاستار قۇلاعىنا قۇيىپ, جۇرەكتەرىنە جەتكىزە ءتۇستى. ال جاستار بولسا, ولارعا جاۋاپ رەتىندە ەلباسى يدەياسىن قولدايتىندىقتارىن ءبىلدىردى. وزگە ۇلت وكىلدەرى مەن «نۇر وتان» پارتياسىنىڭ وكىلدەرى, مۇنايشىلار مەن جاستار وكىلدەرى «تىلەك كىتابىنا» اق تىلەگى ورىلگەن ءوز قولتاڭبالارىن قالدىردى. اكتسيا ماڭعىستاۋدان سوڭ ورال وڭىرىنە سالتاناتتى شەرۋ تارتتى.
بىرلىك پەن تىرلىك تەك دىبىستىق قۇرىلىمى جاعىنان ۇيقاس, تاڭبالانۋى جاعىنان ۇقساس سوزدەر عانا ەمەس, ولار ءبىرىن-ءبىرى ءىس-ارەكەت ۇدەسىندە تولىقتىرىپ, بەرەكەنىڭ, بەرىكتىكتىڭ, باياندىلىقتىڭ ۇيىتقىسى بولار اتاۋلار. الىپ ارمانى بار ەلدىڭ باسىنان باعى, ءتورىنەن بەرەكەسى, جەرىنەن بازارى تارقاماي, تىرلىگىنە بىرلىگى جاراسا بەرسە دەدىك.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى.
سۋرەتتى تۇسىرگەن
سەرىك مايەمەروۆ.
