قازاقستان • 08 جەلتوقسان، 2021

قازاقستان قىرعىزستانعا مىڭ اۆتوبۋس جونەلتەدى

52 رەت كورسەتىلدى

ۇكىمەت ۇيىندە قر پرەمەر-ءمينيسترى اسقار ءماميننىڭ جانە مينيسترلەر كابينەتىنىڭ توراعاسى – قىرعىز رەسپۋبليكاسى پرەزيدەنتى اكىمشىلىگىنىڭ باسشىسى اقىلبەك جاپاروۆتىڭ قاتىسۋىمەن قىرعىزستان مەن قازاقستاندىق وندىرىستەگى اۆتوكولىك قۇرالدارىن ساتىپ الۋ تۋرالى مەموراندۋمعا قول قويىلدى، دەپ حابارلايدى Egemen.kz رrimeminister.kz-كە سىلتەمە جاساپ.

قۇجاتقا قر ساۋدا جانە ينتەگراتسيا ءمينيسترى باقىت سۇلتانوۆ، قىرعىز رەسپۋبليكاسىنىڭ ەكونوميكا جانە كوممەرتسيا ءمينيسترى دانيار امانگەلديەۆ، بىشكەك قالاسىنىڭ مەرى ايبەك دجۋنۋشاليەۆ پەن «الليۋر» كومپانيالار توبى» اق ديرەكتورلار كەڭەسىنىڭ توراعاسى اندرەي لاۆرەنتەۆ قول قويدى.

«مەموراندۋم 2022 جىلى قىرعىزستانعا ليزينگ شارتىمەن قازاقستاندا شىعارىلعان Yutong ماركالى 1 مىڭ بىرلىك ەلەكترلى، گاز جانە ديزەلمەن جۇرەتىن اۆتوبۋستاردى جانە 100 بىرلىك ارنايى تەحنيكانى جەتكىزۋدى كوزدەيدى. بۇل رەتتە اۆتوبۋستار جولاۋشىلار كولىگى قوزعالىسىن ديسپەتچەرلەندىرۋدىڭ ەلەكتروندىق جۇيەسىمەن جانە ONAY PAY جول اقىسىن تولەۋدىڭ اۆتوماتتى جۇيەسىمەن جاراقتاندىرىلادى»، دەپ جازادى پرەمەر-ءمينيستردىڭ رەسمي اقپاراتتىق رەسۋرسى.

سوڭعى جاڭالىقتار

مۇناي باعاسى كوتەرىلە مە؟

ەكونوميكا • كەشە

الاشوردا وفيتسەرى

قازاقستان • كەشە

471 مىڭ دوللارعا ساتىلدى

ادەبيەت • كەشە

شابىت پەن شاراپ

ادەبيەت • كەشە

ۇقساس جاڭالىقتار