ەكونوميكا • 08 جەلتوقسان، 2021

مەملەكەتتىك قىزمەتشىلەر 2022 جىلى قانداي دەكلاراتسيا تاپسىرۋى ءتيىس

2022 جىلدان باستاپ قازاقستاندىق مەملەكەتتىك قىزمەتشىلەر، ولارعا تەڭەستىرىلگەندەر مەن ولاردىڭ جۇبايلارى (زايىبى) كىرىستەرى مەن مۇلكى تۋرالى 270.00 نىساندى دەكلاراتسيانى ۇسىنادى. وسىعان دەيىن، جالپىعا بىردەي دەكلاراتسيالاۋدىڭ ءبىرىنشى كەزەڭى اياسىندا اتالعان تۇلعالار اكتيۆتەرى مەن مىندەتتەمەلەرى تۋرالى دەكلاراتسيانى تاپسىرعان بولاتىن، دەپ حابارلايدى Egemen.kz قر قارجى مينيسترلىگىنىڭ مەملەكەتتىك كىرىستەر كوميتەتىنە سىلتەمە جاساپ.

دانا مىرزاقادىر

جەكە تۇلعانىڭ كىرىستەرى مەن مۇلكى تۋرالى دەكلاراتسيانىڭ نىسانى مەن ونى تولتىرۋ قاعيدالارى قازاقستان رەسپۋبليكاسى قارجى ءمينيسترىنىڭ 2021 جىلدىڭ 13 قىركۇيەگىندەگى № 927 بۇيرىعىمەن بەكىتىلدى.

كىرىستەرى مەن مۇلكى تۋرالى دەكلاراتسيادا جەكە تۇلعالار كۇنتىزبەلىك جىل ىشىندە الىنعان كىرىستەرى تۋرالى (ونىڭ ىشىندە ەلىمىزدەن تىس جەرلەردە العان كىرىستەرى دە بار)، سونداي-اق مەملەكەتتىك نەمەسە وزگە تىركەۋگە جاتاتىن م ۇلىكتى ساتىپ العانى نەمەسە يەلىكتەن شىعارعانى تۋرالى (ونىڭ ىشىندە ەلىمىزدەن تىس جەرلەردەگى م ۇلىك تە بار) اقپاراتتى كورسەتۋى ءتيىس.

بۇدان باسقا، دەكلاراتسيادا جەكە تۇلعالار ەسەپتى سالىق كەزەڭى ىشىندە:

- جىلجىمايتىن م ۇلىكتى (پاتەر، ءۇي، جەر ۋچاسكەسى جانە ت.ب.);

- مەحانيكالىق كولىك قۇرالدارىن جانە ولاردىڭ تىركەمەلەرىن (اۆتوكولىك، تىركەمە جانە ت.ب.);

- زاڭدى تۇلعانىڭ جارعىلىق كاپيتالىنا قاتىسۋ ۇلەسىن;

- باعالى قاعازداردى (اكتسيالار، وبليگاتسيالار، ۆەكسەلدەر جانە ت.ب.);

- ينۆەستيتسيالىق التىندى;

- تۋىندى قارجى قۇرالدارىن;

- تۇرعىن ءۇي قۇرىلىسىنا قاتىسۋ ۇلەسىن ساتىپ الۋعا جۇمساعان شىعىندارىن راستاپ، مالىمەتتەردى كورسەتۋى قاجەت.

دەكلاراتسيا جەكە تۇلعانىڭ تۇرعىلىقتى (تۇراتىن) جەرى بويىنشا ۇسىنىلادى.

جالپىعا بىردەي دەكلاراتسيالاۋدىڭ ءبىرىنشى كەزەڭىنىڭ اكتيۆتەر مەن مىندەتتەمەلەر تۋرالى دەكلاراتسياسىن (250.00-نىسانى) تابىس ەتكەن ازاماتتار ءۇشىن كىرىستەرى مەن مۇلكى تۋرالى دەكلاراتسيانى تابىس ەتۋ مەرزىمى:

- قاعاز تۇرىندە 2022 جىلدىڭ 15 شىلدەسىنەن كەشىكتىرمەي;

- ەلەكتروندى تۇردە 2022 جىلدىڭ 15 قىركۇيەگىنەن كەشىكتىرمەي.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز