كاسىپقوي بوكس • 08 جەلتوقسان، 2021

جۋرناليست جانىبەكتەن قاشقان اندرادەنى ايىپتادى

160 رەت كورسەتىلدى

پولشالىق Boxing.pl سايتىنىڭ رەداكتورى WBO تۇجىرىمى بويىنشا ورتا سالماق دارەجەسىندەگى الەم چەمپيونى، امەريكالىق بوكسشى دەمەتريۋس اندرادەنى مىندەتتى قارسىلاس جانىبەك الىمحان ۇلىمەن كەزدەسۋدەن باس تارتقانى ءۇشىن ايىپتادى، دەپ حابارلايدى Egemen.kz.

«ونىڭ تۇككە تۇرعىسىز كاسىبي مانسابى ءۇشىن جانىبەك الىمحان ۇلىمەن وتەتىن جەكپە-جەك ۇلكەن ماڭىزعا يە. ول ءوزىن چەمپيون رەتىندە كورسەتىپ، قارسىلاستى قابىلدايدى نەمەسە ەكىنشى ورتا سالماققا اۋىسادى. ارينە، «كانەلو» ول ءۇشىن ادەمى سىلتاۋ عانا. مەنىڭشە ونداي سىلتاۋ اندرادەنىڭ تۇككە تاتىمايتىن كاسىبي مانسابىنىڭ تابىتىنا قاعىلعان شەگە عانا سەكىلدى. ول ەليتالىق بوكسشى ەمەس شىعار، الايدا وتە تالانتتى سپورتشى. ايتكەنمەن، كاسىبي مانسابىندا ىلعي دا مىقتى قارسىلاستاردان قاشىپ ءجۇردى. ونداي ءتاسىلدى قالاي مەڭگەرگەنىن بىلمەيمىن. اندرادەنى جاقىندا ءبارى ۇمىتادى. ويتكەنى ول ۇلكەن جەكپە-جەككە شىعاتىن مۇمكىندىگى بولعان كەزدە دە شارشى الاڭعا شىققان جوق.

مەن ادامداردى مۇمكىندىگىنە قاراپ باعالاعاندى قۇپ كورەمىن. اندرادەدە بوكسشى رەتىندە تاماشا مۇمكىندىكتەر بولدى. الايدا ول قاتارداعى چەمپيونداردىڭ ءبىرى دەگەن اتتان ءارى اسا المادى. اندرادە كوپشىلىكتىڭ قىزىعۋشىلىعىن تۋدىرا الماعان بوكسشى عوي. ول ءۇشىن ءوزى كىنالى. مىقتىلاردان قاشىپ ءجۇردى. بۇرىن سەرگەي دەرەۆيانچەنكومەن شارشى الاڭدى بولىسۋدەن باس تارتسا، ەندى جانىبەك ءالىمحان ۇلىنان قورقىپ وتىر»، دەپ تۇيىندەدى ول تۆيتتەردەگى جازباسىن.

سوڭعى جاڭالىقتار

مۇناي باعاسى كوتەرىلە مە؟

ەكونوميكا • كەشە

الاشوردا وفيتسەرى

قازاقستان • كەشە

471 مىڭ دوللارعا ساتىلدى

ادەبيەت • كەشە

شابىت پەن شاراپ

ادەبيەت • كەشە

ۇقساس جاڭالىقتار