ناسيحات جۇمىستارى ناتيجەلى

قازاقستان رەسپۋبليكاسى مەملەكەتتىك قىزمەت ىستەرى جونىندەگى اگەنتتىگىنىڭ توراعاسى ءاليحان بايمەنوۆ الماتى قالاسىنا جاساعان ساپارى بارىسىندا جەرگىلىكتى باسقارۋ قىزمەتى وكىلدەرىمەن كەزدەسىپ, بىرقاتار باسقوسۋلارعا قاتىستى. قالالىق اكىمدىكتىڭ ءماجىلىس زا­لىندا مەملەكەت باسشىسى نۇر­سۇلتان نازارباەۆتىڭ «قازاقستان جولى – 2050: ءبىر ماقسات, ءبىر مۇددە, ءبىر بولاشاق» اتتى قازاقستان حال­قىنا جولداۋىن تالقىلاۋ وتىرىسى بولدى. «بۇگىندە قالا بويىنشا ەلبا­سى ۇسىنعان ماڭىزدى ستراتەگيالىق قۇجاتتى ءتۇسىندىرۋ جۇمىسىمەن اينالىساتىن جالپىقالالىق اقپا­رات­تاندىرۋ جۇمىستارى قىزۋ جۇرگىزىلۋدە. قازىرگى تاڭدا ءبىر قالا­لىق جانە اۋداندىق دەڭ­گەيدە قۇرىلعان 835 ارنايى توپتىڭ ەلباسى جولداۋىن حالىققا جەت­كىزۋ ماقساتىندا اتقارعان جۇمىس­تارى ءوز ناتيجەلەرىن بەرە باستادى», دەپ اتاپ ءوتتى بۇل جيىندا قالا اكىمى احمەتجان ەسىموۆ. ءوز كەزەگىندە ءا.بايمەنوۆ ەلى­مىزدىڭ بۇكىل الەۋمەتتىك توبىنىڭ وكىلدەرى شوعىرلانعان الماتى قالا­سىنىڭ ەل ومىرىندە الار ورنى ەرەكشە ەكەندىگىن, الىپ مەگا­پو­ليستىڭ قول جەتكىزگەن الەۋمەتتىك-ەكو­نوميكالىق جەتىستىكتەرى سو­نىڭ ايعاعى ەكەندىگىن جەتكىزە كە­لىپ, قا­زاقستان پرەزيدەنتى نۇر­سۇل­تان نازارباەۆتىڭ ارنايى تاپسىر­ما­لارى مەن مەملەكەتتىك باع­دارلامالار رەتىنىڭ الماتىدا جوعارى دەڭگەيدە جۇزەگە اسا­تىن­دىعىن تىلگە تيەك ەتتى. اكىمدىك عيماراتىنداعى كەز­دەسۋدەن كەيىن ءا.بايمەنوۆ بىرقاتار جوعارى وقۋ ورىندارىن ارالاپ, ستۋدەنت جاستارمەن جۇزدەستى. قانات ەسكەندىر, «ەگەمەن قازاقستان». الماتى.