«15 جەلتوقسان كۇنى ەلوردادا ەڭبەك وزاتتارىنىڭ رەسپۋبليكالىق فورۋمى وتەدى. وعان اۋىل شارۋاشىلىعىندا جۇمىس ىستەيتىن ماماندار مەن ەڭبەك وزاتتارى قاتىسادى. ءىس-شارانىڭ ماقساتى - ەل يگىلىگى ءۇشىن سالادا جۇمىس ىستەيتىن ادامداردىڭ ەڭبەگىن باعالاۋ, ولارعا قۇرمەت كورسەتۋ. پرەزيدەنتتىڭ اتىنان مايدانگەرلەردى قۇتتىقتاۋ, مەملەكەتتىك ناگرادالار مەن مينيسترلىكتەن ناگرادالار تابىس ەتىلەدى. ءبىز قاراپايىم شارۋالاردىڭ ەڭبەگىن باعالاپ, ولار تۋرالى كوبىرەك ايتۋىمىز كەرەك», دەدى ءالي بەكتاەۆ.
ونىڭ ايتۋىنشا, اتالمىش فورۋم بيىل بەسىنشى رەت وتكىزىلىپ, وعان 100-دەن استام ەڭبەك وزاتتارى قاتىسادى.
«وتكەن جىلى, پاندەمياعا بايلانىستى ءبىز ءبارىمىز ۇيدە وتىرعان كەزدە, شارۋالار ءوز جۇمىسىن توقتاتقان جوق. ولار پاندەمياعا قاراماستان, ەل يگىلىگى ءۇشىن ۇزدىكسىز جۇمىس ىستەدى. وزدەرىڭىز بىلەتىندەي, پاندەميانىڭ سالدارىنان الەمنىڭ ءارتۇرلى ەلدەرىندە, اسىرەسە ەۋروپا ەلدەرىندە ازىق-ت ۇلىك تاپشىلىعى بايقالدى, بۇل حالىقتىڭ الاڭداۋشىلىعىنا سەبەپ بولدى. ال بىزدە ازىق-ت ۇلىك تاپشىلىعى بولعان جوق. بۇل اۋىل شارۋاشىلىعى قىزمەتكەرلەرىنىڭ ارقاسىندا», دەپ قوستى سەناتور.
