الەم • 08 جەلتوقسان، 2021

بايدەن ساۋلە وماروۆانىڭ شەشىمىنە قاتىستى پىكىر ءبىلدىردى

28 رەت كورسەتىلدى

اقش پرەزيدەنتى دجو بايدەن قازاقستان تۋماسى ساۋلە وماروۆانىڭ اقش بانك رەتتەۋشىسى باسقارماسىنىڭ باسشىسى قىزمەتىنەن باس تارتۋىنا قاتىستى پىكىر ءبىلدىردى، دەپ حابارلايدى Egemen.kz.

امەريكا باسشىسى ءوز مالىمدەمەسىندە وماروۆا اقش قارجى مينيسترلىگى جۇمىسىنا باعا جەتپەس جاڭاشىلدىق اكەلە الاتىنىن ايتتى. بايدەن وماروۆا امەريكا قۇراما شتاتتارىنا كەلگەنگە دەيىن كەڭەس وكىمەتى بيلىگىندە ءومىر سۇرگەنى، سول كەزدە ونىڭ امەريكالىق بولۋ ارمانى بولعانىن بىلدىرەتىنىن جانە امەريكاعا كوشۋ ارقىلى ونى جۇزەگە اسىرۋعا مۇمكىندىك العانىن ايتتى.

«تۇتىنۋشىلار مۇددەسىنىڭ كۇشتى جاقتاۋشىسى جانە قارجى جۇيەمىزدىڭ قاۋىپسىزدىگى مەن تۇراقتىلىعىنىڭ سەنىمدى قورعاۋشىسى رەتىندە ساۋلە امەريكالىقتاردىڭ اتىنان ماڭىزدى جۇمىسىمىزعا باعا جەتپەس كوزقاراس پەن پەرسپەكتيۆا اكەلە الار ەدى»، دەدى ول.

سونىمەن قاتار بايدەن وماروۆا كوپ شابۋىلعا ۇشىراعانىن اتاپ ءوتتى.

«وكىنىشكە قاراي، ونىڭ كانديداتۋراسى باستالعاننان ساۋلە شابۋىلدارعا ۇشىرادى. مەن توراعا براۋنعا ءادىل تاڭداۋ جاساعانى ءۇشىن جانە وماروۆاعا بىلىكتىلىگىن كورسەتۋ مۇمكىندىگىن بەرگەنى ءۇشىن العىس ايتامىن»، دەپ تۇيىندەدى بايدەن.

قارجى مينيسترلىگىنىڭ ۆاليۋتالىق باقىلاۋ باسقارماسى فەدەرال بانك جۇيەسىندەگى 1200-گە جۋىق ۇلتتىق بانكتەردى قاداعالايتىن جانە رەتتەيتىن نەگىزگى اگەنتتىك سانالادى.

سوڭعى جاڭالىقتار

مۇناي باعاسى كوتەرىلە مە؟

ەكونوميكا • كەشە

الاشوردا وفيتسەرى

قازاقستان • كەشە

471 مىڭ دوللارعا ساتىلدى

ادەبيەت • كەشە

شابىت پەن شاراپ

ادەبيەت • كەشە

ۇقساس جاڭالىقتار