توقساننىڭ تورىندە

ءىس-شارا وتكەن ساكەن سەيفۋللين اتىنداعى وبلىستىق اكادەميالىق قازاق تەاترىنىڭ فويەسىندە بۇگىندە «Saryarqa aqparat» مەدياحولدينگىنىڭ قاراماعىنا كوشكەن قوس باسىلىمنىڭ تاريحىنان سىر شەرتكەن كورمە تويعا كەلگەن قوناقتاردىڭ كوزايىمىنا اينالدى.

سالتاناتقا ارنايى كەلىپ قاتىسقان وبلىس اكىمى جەڭىس قاسىمبەك ساحنا تورىنەن قۇتتىقتاۋ ءسوزىن ايتىپ، ىزگى تىلەگىن جولدادى.

– توقسان جىلدان بەرى جارىق كو­رىپ كەلە جاتقان «Ortalyq Qazaqstan» مەن «يندۋستريالنايا كاراگاندا» گازە­تتەرىنىڭ مەرەيتويى تاۋەلسىزدىكتىڭ 30 جىلدىعى مەرەكەسىمەن تۇسپا-تۇس كەلىپ وتىر. قوس باسىلىمنىڭ ەل مۇد­دەسى جولىنداعى ەڭبەگى زور. الاش قايراتكەرى مىرجاقىپ دۋلاتوۆتىڭ «قاي ەلدىڭ ءباسپاسوزى مىقتى بولسا، سول ەلدىڭ بولاشاعى دا مىقتى» دەگەن ءسوزى بار. وتاندىق ماسسمەديانىڭ بەدەلى ەل دامۋىنا تىكەلەي ىقپال ەتەدى. سوندىقتان دا اقپارات قۇرالدارىنا جان-جاقتى قولداۋ كورسەتۋ – ۋاقىت تالابى. وبلىسىمىزدا بۇل باعىتتا اتقارىلىپ جاتقان بىرقاتار ءىس بار. جىل سايىن سالا ۇزدىكتەرىنە وبلىس اكىمىنىڭ ارنايى سىيلىعى بەرىلىپ كەلەدى. الداعى ۋاقىتتا اشىلاتىن «قاسىم ءۇيى» دە رۋحانياتتىڭ ورتالىعىنا اينالىپ، ول جەردەن جۋر­ناليستەر وداعىنىڭ فيليالى دا ويىپ ورىن الادى. قالىڭ وقىرمانى قالىپتاسقان ەكى گازەت بۇگىندە «Saryarqa اqparat» مەدياحولدينگى قۇرامىندا جەمىستى قىزمەت ەتۋدە. بيىل قوس گازەتتىڭ «التىن سۇڭقار» سىيلىعىن يەلەنۋى – وسىناۋ ەڭبەككە بەرىلگەن شىنايى باعا، – دەدى ءوڭىر باسشىسى.

سالتاناتتى كەشكە وبلىس اكىمى قۇر قول كەلمەگەن ەكەن. ءوزىنىڭ قۇتتىقتاۋ سوزىندە ول قاراعاندىلىق جۋرناليستەرگە باسپانا الۋعا ارنايى كۆوتا بولىنەتىنىن ءمالىم ەتىپ، قالام ۇستاعان قاۋىمعا قۋانىشتى حاباردى جەتكىزدى.

سونىمەن بىرگە بۇل كەشتە قوس گا­زەتتىڭ ۇجىمىنا پارلامەنت ءماجىلىسىنىڭ توراعاسى نۇرلان نىعما­تۋليننىڭ، پرە­زيدەنت اكىمشىلىگىنىڭ باسشىسى ەر­لان قوشانوۆتىڭ، اقپارات جانە قوعام­دىق دامۋ ءمينيسترى ايدا بالاەۆانىڭ ارنايى جولداعان قۇتتىقتاۋ حاتتارى وقىلدى.

قوس باسىلىم­نىڭ مەرەيتويىنا ارنايى كەلگەن «Egemen Qazaqstan» رگ» اق باسقارما تور­اعاسىنىڭ ورىنباسارى ايبىن شاعا­لاق، توراعا دارحان قىدىرالىنىڭ قۇتتىق­تاۋىن جەتكىزدى.

كەشتىڭ قۇرمەتتى قوناعى قازاقستان جۋر­ناليستەر وداعىنىڭ باس­قارما تور­اعاسى سەيىتقازى ماتاەۆ قارا­عاندىدا ەڭ­­بەك ەتكەن جىلدارىن ەسكە الىپ، قا­لا­نىڭ ءوزى ءۇشىن قاشاندا ىستىق ەكەنىن ايتتى.

بۇدان كەيىن ايماق جۋرناليس­تيكا­سىنىڭ دامۋىنا سۇبەلى ۇلەس قوسىپ، سان­داعان شاكىرت تاربيەلەگەن قارت قا­لام­گەر امان جانعوجين، «Ortalyq Qa­­zaq­stan» گازەتىنىڭ ءتىلشىسى الىبەك ءابدى­راش، «يندۋستريالنايا كاراگاندا» گازە­تىنىڭ ارداگەرى اندرەي پۋحالسكي «قازاق­ستاننىڭ قۇرمەتتى ءجۋرناليسى» اتاعىمەن ماراپاتتالدى.

«Ortalyq Qazaqstan» گازەتىنىڭ باس رەداكتورى ەرسىن مۇسابەك پەن بەلگىلى ءفوتوتىلشى ۆالەري پەتۋحوۆقا قازاقستان جۋرناليستەر وداعىنىڭ التىن مەدالى تابىس ەتىلدى.

سونداي-اق سالتاناتتى كەشتە پرە­زيدەنت اكىمشىلىگى باسشىسىنىڭ ال­عىس حاتىنا «Ortalyq Qazaqstan» گازە­تىنىڭ ءبولىم مەڭگەرۋشىسى جانسايا ومار­بەك، «ين­دۋستريالنايا كاراگاندا» باسى­لى­مىنىڭ ءتىلشىسى سۆەتلانا سۆيچ يە بولدى. «Ortalyq Qazaqstan» گازەتىنىڭ ارداگەرى سۇيىندىك جانىسباي، «يندۋستريالنايا كاراگاندا» گازەتىنىڭ باس رەداكتورى وكسانا مياگكيح پەن «Or­talyq Qazaq­stan» گازەتى باس رەداكتورىنىڭ ورىنباسا­رى ءىلياس مۇقاي اقپارات جانە قوعام­دىق دامۋ مينيسترلىگىنىڭ «اقپارات سالا­سى­نىڭ ۇزدىگى» توسبەلگىسىمەن ماراپات­تالدى.

اقپارات جانە قوعامدىق دامۋ ءمينيس­ترىنىڭ العىس حاتىن «Ortalyq Qazaqstan» گازەتىنىڭ بەت قاتتاۋشىسى شىنار ادام­بەكوۆا جانە «يندۋستريالنايا كا­را­گان­دا» باسىلىمىنىڭ ءتىلشىسى سامال شيل يەلەندى.

قاراعاندى وبلىسى اكىمىنىڭ قۇرمەت گراموتاسى «Ortalyq Qazaqstan» گازەتىنىڭ ءبولىم مەڭگەرۋشىسى، اعا ديزاينەر-بەت قاتتاۋشى مارال اينەكوۆاعا، «Ortalyq Qazaqstan» گازەتىنىڭ ارداگەر ءجۋرناليسى امان جانعوجينگە، «يندۋستريالنايا كاراگاندا» باسىلىمىنىڭ اعا ديزاي­نەر-بەت قاتتاۋشىسى يۋري بيلۋشەن­كوعا، «يندۋستريالنايا كاراگاندا» باسىلى­مىنىڭ ءتىلشىسى اسەل جەتپىسباەۆاعا جانە كوررەكتورى باعدات نۇرماعامبەتوۆاعا تابىس ەتىلدى.

قازاقستان جۋرناليستەر وداعىنىڭ قۇرمەت گراموتاسىمەن «Ortalyq Qazaq­stan» گازەتىنىڭ ءبولىم مەڭگەرۋشىلەرى جا­لەل شالقار، اياۋلىم سوۆەت جانە گازەت ءتىل­شىسى نۇردوس كارىم، «يندۋستريالنايا كا­راگاندا» باسىلىمىنىڭ ديزاينەر-بەت قات­تاۋشىسى دميتري مەحاەۆ مارا­پات­تالدى.

ودان كەيىن ماعاۋيا سەمباي اتىن­­­داعى وبلىستىق بايقاۋدىڭ جەڭىم­پاز­دارى رەتىندە بەلگىلى قالامگەر تولەۋ­باي ەرمەكباەۆ پەن «Ortalyq Qazaqstan» گازەتىنىڭ جاۋاپتى حاتشىسى قىزعالداق ايتجانوۆا ارنايى جۇلدەگە يە بولدى.

سالتاناتتى جيىندى تۇيىندەگەن «Saryarqa Aqparat» مەدياحولدينگىنىڭ ديرەكتورى قامبار احمەتوۆ قوس گازەتتىڭ ۋاقىت تالابىنا ساي قىزمەت ەتىپ كەلە جاتقانىن ايتتى.

قاراعاندى