ۇكىمەت • 07 جەلتوقسان، 2021

سەناتورلار سوت جۇيەسى تۋرالى زاڭ جوبالارىن تالقىلادى

20 رەت كورسەتىلدى

سەناتور ۆلاديمير ۆولكوۆتىڭ توراعالىق ەتۋىمەن سەناتتىڭ كونستيتۋتسيالىق زاڭناما، سوت جۇيەسى جانە قۇقىق قورعاۋ ورگاندارى كوميتەتىنىڭ كەڭەيتىلگەن وتىرىسى بولدى، دەپ جازادى Egemen.kz.

وندا سەناتورلار پارلامەنت دەپۋتاتتارىنىڭ باستاماسىمەن ازىرلەنگەن سوت جۇيەسىن ودان ءارى رەفورمالاۋ تۋرالى زاڭ جوبالارىن قارادى.

«قازاقستان رەسپۋبليكاسىنىڭ سوت جۇيەسى مەن سۋديالارىنىڭ مارتەبەسى تۋرالى» قازاقستان رەسپۋبليكاسىنىڭ كونستيتۋتسيالىق زاڭىنا وزگەرىستەر مەن تولىقتىرۋلار ەنگىزۋ تۋرالى» كونستيتۋتسيالىق زاڭ جوباسىندا سۋديالار كورپۋسىنىڭ كاسىبي بىلىكتىلىگىن كوتەرۋ، تار اياداعى قۇقىق سالالارى بويىنشا ماماندانعان ساراپشىلاردى سوت جۇيەسىنە تارتۋ جانە سۋديالاردىڭ جاۋاپكەرشىلىگى مەن تاۋەلسىزدىگىن ارتتىرۋدى كوزدەيتىن بىرقاتار تۇزەتۋلەر بار.

«قازاقستان رەسپۋبليكاسىنىڭ كەيبىر زاڭنامالىق اكتىلەرىنە سوت جۇيەسىنىڭ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ارقىلى قولدانىستاعى زاڭنامانى كونستيتۋتسيالىق زاڭعا ەنگىزىلەتىن وزگەرىستەرگە سايكەس كەلتىرۋ كوزدەلىپ وتىر. قۇجاتتا سونىمەن قاتار جوعارى سوت كەڭەسىنىڭ سۋديالاردىڭ بوس لاۋازىمدارىنا كانديداتتاردى تاعايىنداۋ ماسەلەلەرىن قاراۋ، سوتتاردى قارجىلاندىرۋدىڭ جاڭا ۇلگىسىن بەلگىلەۋ جانە سوت جۇيەسىنىڭ تاۋەلسىزدىگىن قامتاماسىز ەتۋ ءۇشىن سۋديالار قوعامداستىعى ورگاندارىنىڭ قارجى ءبولۋ جونىندەگى وكىلەتتىكتەرىن كەڭەيتۋ تۋرالى تولىقتىرۋلار قامتىلعان.

قارالعان زاڭ جوبالارىنىڭ ءۇشىنشىسى داۋلاردى سوتتان تىس جانە سوتقا دەيىن رەتتەۋ ينستيتۋتتارىن دامىتۋعا، سونداي-اق ازاماتتىق ءىس جۇرگىزۋ زاڭناماسىن جەتىلدىرۋگە باعىتتالعان. ول جاڭالىقتار «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ازاماتتىق پروتسەستىك زاڭنامانى جەتىلدىرۋ جانە داۋلاردى سوتتان تىس جانە سوتقا دەيىنگى رەتتەۋ ينستيتۋتتارىن دامىتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىندا جازىلعان.

وتىرىس قورىتىندىسى بويىنشا زاڭ جوبالارىن پالاتانىڭ قاراۋىنا جىبەرۋ تۋرالى شەشىم قابىلداندى.

 

سوڭعى جاڭالىقتار

شابىت پەن شاراپ

ادەبيەت • بۇگىن، 22:13

ديلەتانتتان داۋىرگە دەيىن

ادەبيەت • بۇگىن، 21:57

ەرتەڭ اۋا رايى قانداي بولادى؟

قازاقستان • بۇگىن، 16:20

اندرادەنى مۋنگيا الماستىرۋى مۇمكىن

كاسىپقوي بوكس • بۇگىن، 14:25

ۇقساس جاڭالىقتار