سپورت • 07 جەلتوقسان، 2021

«اقجايىق» «سكا-سۆەردلوۆسك» كومانداسىن ءىرى ەسەپپەن ۇتتى

23 رەت كورسەتىلدى

دوپتى حوككەيدەن جوعارى ليگا كوماندالارى اراسىندا بۇكىلرەسەيلىك جارىستا ورال قالاسىنىڭ «اقجايىق»  كومانداسى پەرۆوۋرالسكىدە جەرگىلىكتى «سكا-سۆەردلوۆسك» كومانداسىمەن ەكىنشى ويىنىن وتكىزىپ، ءىرى ەسەپپەن جەڭىسكە جەتتى، دەپ حابارلايدى Egemen.kz.

ماتچتى قارقىندى باستاعان ورالدىقتار ساپىنان رەسەيلىك سۇرمەرگەن ماكسيم پاحوموۆ قاتارىنان ەكى مارتە مەرگەندىك تانىتتى.

سودان كەيىن كوماندا كاپيتانى ماكسيم وتەباليەۆ بيىلعى ماۋسىمداعى العاشقى گولىن سوقتى. سوسىن م.پاحوموۆ تاعى ەكى دوپتى ايدىن يەلەرىنىڭ قاقپاسىندا تۋلاتىپ، ەسەپتى 5:0-گە جەتكىزدى. «سكا-سۆەردلوۆسك» كومانداسىنان الەكسەي بوريسوۆ 12 مەترلىك ايىپ دوبىن ءدال ورىندادى – 1:5. ەكىنشى تايم باستالعاننان كەيىن كوپ ۇزاماي دميتري چەرنوۆ پەن ا.بوريسوۆ «اقجايىق» قاقپاسىن ءدال كوزدەدى – 3:5.

دەگەنمەن نۇربول بوكەشوۆتىڭ پاسىنان كەيىن رەسەيلىك لەگيونەر سەرگەي باشاەۆ ەسەپتى ۇلعايتتى – 6:3. ورال دوپتى حوككەيىنىڭ تۇلەگى پاۆەل چەباكوۆ تا ءوز مۇمكىندىگىن ءمۇلت جىبەرگەن جوق – 7:3. م.وتەباليەۆتىڭ پاسىنان كەيىن م.پاحوموۆ وسى باسەكەدەگى بەسىنشى گولىن سوقتى – 8:3. بۇدان سوڭ ماكسيم وتەباليەۆ اتتاسىنىڭ پاسىن ءساتتى پايدالاندى – 9:3.

«سكا-سۆەردلوۆسك» ساپىنان ۆيتالي برىزگين قاتارىنان ەكى گولدىڭ اۆتورى اتاندى – 5:9. م.وتەباليەۆ وسى ويىنداعى ءۇشىنشى، ءتورتىنشى جانە بەسىنشى گولىن سوقتى.

قورىتىندى ەسەپ – 12:5. وسىلايشا ءتورت ماتچتان كەيىن 9 ۇپاي جيناعان «اقجايىق» ءۇشىنشى توپتا كوش باسىنا كوتەرىلدى.

ءار توپتان الدىڭعى ءۇش ورىنعا يە بولعان كوماندالار فينالدىق سايىستارعا جولداما الادى. نيكولاي ءشاۆالديننىڭ شاكىرتتەرى كەلەسى كەزدەسۋلەرىن 10-11 جەلتوقساندا ۆەرحني ۋفالەيدە جەرگىلىكتى «نيكەلششيكپەن» وتكىزەدى.

سوڭعى جاڭالىقتار

مۇناي باعاسى كوتەرىلە مە؟

ەكونوميكا • بۇگىن، 23:15

بيلىك جانە ۇلت مەنتاليتەتى

قازاقستان • بۇگىن، 22:54

استاناداعى العاشقى مەشىت

رۋحانيات • بۇگىن، 22:42

الاشوردا وفيتسەرى

قازاقستان • بۇگىن، 22:32

471 مىڭ دوللارعا ساتىلدى

ادەبيەت • بۇگىن، 22:19

شابىت پەن شاراپ

ادەبيەت • بۇگىن، 22:13

ديلەتانتتان داۋىرگە دەيىن

ادەبيەت • بۇگىن، 21:57

ەرتەڭ اۋا رايى قانداي بولادى؟

قازاقستان • بۇگىن، 16:20

ۇقساس جاڭالىقتار