قوعام • 07 جەلتوقسان، 2021

سەناتتا وتباسىلىق قۇندىلىقتاردىڭ وزەكتى ماسەلەلەرى تالقىلاندى

36 رەت كورسەتىلدى

قر پارلامەنتى سەناتىنىڭ دەپۋتاتى مۇرات باقتيار ۇلىنىڭ توراعالىق ەتۋىمەن «قازاقستاندىق وتباسى: ۇلت نەگىزى» تاقىرىبى بويىنشا دوڭگەلەك ۇستەل وتىرىسى بولدى، دەپ جازادى Egemen.kz.

الەۋمەتتىك-مادەني دامۋ جانە عىلىم كوميتەتىنىڭ حاتشىسى ناريمان توراعاليەۆ سەناتتا بيىلعى ناۋرىز ايىندا وتباسى ينستيتۋتىن نىعايتۋ ماسەلەلەرى بويىنشا پارلامەنتتىك تىڭداۋ وتكەنىن ايتا كەلىپ، ونىڭ قورىتىندىسى بويىنشا وسى سالاداعى جاعدايدى جاقسارتۋدى كوزدەيتىن ۇسىنىمدار مەملەكەتتىك ورگاندارعا بەرىلگەنىن اتاپ ءوتتى. ول سونىمەن قاتار ۇلتتىق قوعامدىق سەنىم كەڭەسىنىڭ VI وتىرىسىندا ەل پرەزيدەنتى قاسىم-جومارت توقاەۆتىڭ انالار مەن بالالارعا، جاستارعا قاجەتتى جاعداي جاساۋ، سونداي-اق تۇرمىستىق زورلىق-زومبىلىقتىڭ الدىن الۋ تەتىكتەرىن ازىرلەۋ جونىندە شارالار قابىلداۋدى تاپسىرعانىن ەسكە سالدى.

سەناتور دينار نوكەتاەۆا دا وسىنداي ۇستانىمعا قولداۋ ءبىلدىردى. ول ءوز سوزىندە مەملەكەتتىك وتباسىلىق ساياساتتىڭ باستى مىندەتى – وتباسىن قولداۋ، نىعايتۋ، قورعاۋ جانە ءداستۇرلى قۇندىلىقتاردى ساقتاۋعا باعىتتالۋى ءتيىس ەكەنىن اتاپ ءوتتى.

«وتباسىنىڭ نەگىزگى قاعيدالارى وتباسىنداعى تاربيە بارىسىندا قالىپتاساتىنى انىق. بۇگىنگى تاڭدا وتباسى ينستيتۋتىنىڭ قۇلدىراۋىنا، قۇندىلىقتاردىڭ وزگەرۋىنە الەۋمەتتىك جەلىلەردىڭ، بۇقارالىق اقپارات قۇرالدارىنىڭ، جالپى ينتەرنەت مازمۇنىنىڭ اسەرى وتە قاتتى بولۋدا. وسى رەسۋرستاردى پايدالانا وتىرىپ ءتيىستى اۋديتوريالاردى وتباسىلىق جانە ۇلتتىق قۇندىلىقتارعا باي مازمۇنمەن قامتاماسىز ەتۋىمىز ماڭىزدى دەپ پايىمدايمىن»، دەدى دينار نوكەتاەۆا.

سەناتور سونىمەن قاتار تەلەۆيزيا حابارلارى مازمۇنىنىڭ ساپاسىنا دا توقتالدى. دينار نوكەتاەۆا وتاندىق انيماتسيا ونىمدەرى كورەرمەندى قىزىقتىرا قويمايتىنىن، سەبەبى ساپاسى مەن تارتىمدىلىعى تومەن ەكەنىن اتاپ ءوتتى. سەناتور وسىعان بايلانىستى ماسەلەگە سالالىق مينيسترلىكتىڭ نازار اۋدارعانى ءجون ەكەنىن ايتا كەلىپ، جاعدايدى جاقسارتۋ جونىندە جوسپار ازىرلەۋدى سۇرادى.

اقپارات جانە قوعامدىق دامۋ ءمينيسترى ايدا بالاەۆا، ىشكى ىستەر ءمينيسترىنىڭ ورىنباسارى مارات قوجاحمەتوۆ جانە ت.ب. بايانداما جاسادى. سونداي-اق دوڭگەلەك ۇستەل جۇمىسىنا مەملەكەتتىك ورگانداردىڭ وكىلدەرى، سەنات جانىنداعى جاس ساراپشىلار كلۋبىنىڭ، سونداي-اق قوعامدىق ۇيىمداردىڭ مۇشەلەرى دە قاتىستى.

سوڭعى جاڭالىقتار

نگاننۋ ءجۋرناليستىڭ اۋزىن جاپتى

جەكپە-جەك • بۇگىن، 18:00

ۇقساس جاڭالىقتار