كوروناۆيرۋس • 07 جەلتوقسان، 2021

كوروناۆيرۋستان ەمدەيتىن ەكىنشى پرەپارات ماقۇلداندى

3345 رەت كورسەتىلدى

ۇلىبريتانيادا كورو­ناۆيرۋسپەن اۋىر­­عانداردى ەم­دەي­تىن جاڭا دارىلىك پرە­پارات قولدانىلا باستادى. انتيدەنە ارقىلى ازىرلەنگەن بۇل ءدارى قاتەرلى دەرتتىڭ قاۋپىن ازايتادى.

عالىمداردىڭ ايتۋىنشا، «سوت­روۆيماب» دەپ اتالاتىن جاڭا پرەپارات Omicron سەكىلدى ۆيرۋستىڭ جاڭا شتام­دارىنا دا ءتيىمدى بولماق. ونى تامىر­عا تامشىلاتۋ ارقىلى قۇيادى. پرە­پارات ۆي­رۋسپەن بايلانىسىپ، ونىڭ جاسۋ­شا­لارىمىزعا ەنۋىن توقتاتادى.

كلينيكالىق سىناق كەزىندە ءبىر رەت­تىك دوزا ەرەسەكتەردىڭ اۋرۋحاناعا جاتۋ كورسەتكىشىن جانە ءولىم قاۋپىن 79 پايىز­عا تومەندەتتى. بۇل – ۇلىبريتانيا دەن­ساۋلىق ساقتاۋ مەكەمەسى ماقۇل­داعان ەكىنشى دارىلىك پرەپارات.

«روناپرەۆ» جانە «سوتروۆيماب» سەكىلدى انتيدەنە ارقىلى ەمدەۋ ءتاسىلى ۆيرۋستى جۇقتىرا سالا قولدانعاندا تيىمدى­لىگىن كورسەتىپ وتىر. ءدارى-دارمەك­تەر مەن دەنساۋلىق ساقتاۋ ونىمدەرىن رەتتەۋ اگەنتتىگى (MHRA) اتالعان پرەپاراتتاردى ناۋقاستىڭ بەلگىلەرى پايدا بولعاننان كەيىن بەس كۇن ىشىندە قولدانۋعا كەڭەس بەرەدى.

«سوتروۆيماب» (Xevudy) پرەپاراتىن ازىرلەپ شىعارعان GSK كومپانياسى قازىرگى تاڭدا جاڭا زەرتحانالىق سىناق ءجۇرىپ جاتقانىن حابارلادى. بۇل سىناق بۇكىل الەمگە تارالىپ جاتقان Omicron نۇسقاسىنا قانشالىقتى قارسى تۇرا الاتىنىن انىقتاماق.

ناقتى ناتيجەگە قول جەتكىزۋ ءۇشىن قوسىمشا دەرەكتەر قاجەت. بىراق زەرتتەۋ­شىلەر بۇل پرەپارات ۆيرۋستىڭ ءالى ۇل­كەن وزگەرىستەرگە نەمەسە مۋتاتسيالارعا ۇشى­را­ماعان پروتەينىنىڭ ءبىر بولىگىنە باعىتتالعانىن ايتادى. ياعني Omicron-عا قارسى تۇرا الادى.

جالپى، كوروناۆيرۋسقا قارسى بىرنەشە ەمدەۋ ءتاسىلى بار. ولاردى ءۇش ساناتقا ءبولىپ قاراستىرۋعا بولادى. ءبىرىنشىسى، ۆيرۋسقا تىكەلەي شابۋىل جاسايتىن انتيدەنەلەر. ياعني ونى اۋرۋدان جازىلعانداردىڭ قان پلازماسىنان نەمەسە زەرتحانادا ازىرلەيدى. كەيىنگىسىنە «روناپرەۆ» جانە «سوتروۆيماب» سەكىلدى پرەپاراتتار كىرەدى.

ەكىنشىسى، «مولنۋپيراۆير» سەكىلدى ۆيرۋسقا قارسى پرەپاراتتار. ولار كوروناۆيرۋستىڭ دەنەدە تارالۋىن تەجەيدى. ءۇشىنشىسى، يممۋندىق جۇيەنى تىنىشتاندىراتىن «دەكسامەتازون» سياقتى پرەپاراتتار.

سوڭعى جاڭالىقتار

سىردىڭ سۋى تومەندەپ بارادى

ايماقتار • بۇگىن، 17:27

دوللار ارزاندادى

قارجى • بۇگىن، 16:56

الماتى ماڭىندا جەر سىلكىندى

ايماقتار • بۇگىن، 16:38

قازاقستاندا ەت قىمباتتادى

قوعام • بۇگىن، 15:10

ەلىمىزدە كيىك سانى كوبەيىپ كەلەدى

قازاقستان • بۇگىن، 14:41

ۇقساس جاڭالىقتار